Tiburón touro

O tiburón touro^[3] ou tiburón ollo de touro^[4] (Carcharhinus leucas) é unha especie de tiburón da familia dos carcarrínidos que habita polo xeral en augas mornas e superficiais ao longo de costas e en ríos. É coñecido pola súa natureza agresiva e a súa presenza en augas salobres superficiais e augas doces, onde se inclúen estuarios e ríos.

Tiburón touro Rango fósil: Mioceno–presente PreЄ Є O S D C P T J K Pg N [1]
Tiburón touro nas Bahamas.
Estado de conservación
Case ameazada[2]
Clasificación científica
Reino: Animalia Filo: Chordata Clase: Chondrichthyes Subclase: Elasmobranchii Superorde: Selachimorpha Orde: Carcharhiniformes Familia: Carcharhinidae Xénero: Carcharhinus Especie: C. leucas
Nome binomial
Carcharhinus leucas (J. P. Müller & Henle, 1839)
Distribución da especie. Distribución da especie.

Os tiburóns touro pode vivir en augas salgadas e doces e poden adentrarse grandes distancias nos ríos do interior. Sábese de exemplares que percorreron o río Mississippi até a altura de Alton, Illinois,^[5] a uns 1 100 km do océano. Porén, case non se teñen rexistrado interaccións entre humanos e tiburóns en augas doces. Os tiburóns touro de gran tamaño son responsables da maioría dos ataques de tiburón preto da costa, incluíndo moitas trabadas atribuídas a outras especies.^[6]