Vueling

Vueling Airlines (pronuncia /ˈbwelin/) é unha aeroliña española con sede en El Prat de Llobregat, Barcelona, filial de Iberia. É a segunda aeroliña por tamaño de frota en España^[1] (só superada pola súa matriz Iberia L.A.E.) e a terceira por número de pasaxeiros transportados^[2] só superada por Iberia L.A.E. e a irlandesa Ryanair.

Vueling
Instancia de	aeroliña, empresa de capital aberto e organización
Forma xurídica	sociedade anónima
Texto lema	Possible by Vueling
Persoas e organizacións
Propietario/a	International Airlines Group
Matriz	International Airlines Group
Actividade
Campo de traballo	Aeroliña de baixo custo
Elemento operado Airbus A320
Economía
Bolsa de valores	Bolsa de Madrid
Data
Fundación	2004
Localización
País	España
Enderezo	Viladecans Business Park, Edif. Brasil, Carrer de Catalunya, 83, 08840, Viladecans (Barcelona) e Parque de Negocios Mas Blau II, Pla de l'Estany, 5, El Prat de Llobregat, Barcelona 08820 Spain
Sede	Viladecans e El Prat de Llobregat
Lugar de formación	Barcelona
Fontes e ligazóns
Páxina WEB	vueling.com
Teléfono	[phone]
Redes
[ Wikidata ] [ C:Commons ]

Un Airbus A320 de Vueling en Ámsterdan (Países Baixos).

Historia e características

Comezou operacións en xullo de 2004 con base en Barcelona como aeroliña independente, aínda que tras a súa fusión con Clickair en 2009 é filial de Iberia. Existen numerosas discrepancias sobre a natureza da compañía, pois moitos coinciden en que se trata nunha aeroliña de baixo custo ou "low-cost" como Ryanair ou Easyjet, e outros a consideran unha aeroliña de nova xeración similar á súa fundadora JetBlue Airways ou a alemá Germanwings que xunto ao produto de baixo custo, ofrecen opcións premium.

A base principal de Vueling desde a súa creación e tamén a súa hub desde maio de 2010 está en Barcelona, mentres que conta con numerosas bases de operacións no resto de España nos aeroportos de Madrid, Sevilla, Bilbao, Palma, Málaga-Costa do Sol, Valencia, Alacant e Eivissa.^[3] Desde 2011, conta tamén con dúas bases internacionais, unha en Ámsterdam-Schiphol e outra en Tolosa; sendo a única aeroliña española con bases fóra de España. Ademais, a compañía proponse medrar no resto de Europa coa apertura dunha nova base en Paris-Orly^[4] onde xa opera frecuencias diarias internacionais a Zúric e a Roma xunto co resto de frecuencias a España. É tamén unha das tres únicas aeroliñas de baixo custo de Europa, xunto con Air Baltic e Norwegian Air Shuttle que operan voos en conexión, algo moi típico entre aeroliñas de baixo custo de América.

Frota

En marzo de 2014 a frota de Vueling estaba composta por 72 aeronaves, cunha idade media de 7,2 anos.^[5]

Frota de Vueling

Avións	En Servizo	Pedidos	Pasaxeiros			Notas
			Ex	Ec	Total
Airbus A319-100	5	4	—	144	144
Airbus A320-200	91	36	—	180	180
				186[6]	186
Airbus A321-200	5	—	—	220	220	Catro recibidos en agosto de 2015. 1 operativo en 2016
Total	101	40