International Airlines Group
From Wikipedia, the free encyclopedia
Remove ads
International Consolidated Airlines Group, S.A., normalmente abreviado como IAG, é unha compañía multinacional de aeroliñas británico-española coa súa sede operacional en Londres e rexistrada en Madrid. Creouse en xaneiro de 2011 pola fusión de British Airways e Iberia, as aeroliñas nacionais do Reino Unido e España respectivamente, mantendo British Airways o 55% da nova compañía.[1] É a sexta compañía de aeroliñas máis grande do mundo, producindo uns ingresos de 18,27 mil millóns de libras no ano 2015. A compañía está listada nas bolsas de Londres e Madrid. Forma parte do índice FTSE 100 e do IBEX 35.
Remove ads
Historia
British Airways e Iberia asinaron un acordo preliminar de fusión en novembro de 2009.[2][3][4] En abril de 2010 ámbalas dúas aeroliñas asinaron o acordo completo para fusionarse, coa intención de completar o proceso a finais dese mesmo ano, dependendo de asegurar as aprobacións regulamentarias precisas.[5][6] A fusión rematouse o 21 de xaneiro de 2011, e as accións da nova compañía comezaron a operar nas bolsas de Londres e Madrid o 24 de xaneiro.[7][8]
En marzo de 2011 IAG acordou mercar oito Airbus A330-300 e a coller opcións para oito máis para ser usados na frota de longo alcance de Iberia. O 6 de outubro dese ano a compañía creou Iberia Express, unha nova aeroliña de baixo custo para operar rutas curtas e medias dende o centro de conexións de Madrid e nutrir a rede de longo alcance de Iberia. Iberia Express comezou as súas operacións o 25 de marzo de 2012.[9][10]
O 4 de novembro de 2011 IAG acordou en principio mercarlle British Midland International (BMI) a Lufthansa por unha cantidade non revelada, nun contrato que incrementaría a porcentaxe de slots de IAG en Heathrow do 45% ao 54%.[11][12] O 22 de decembro IAG acordou con Lufthansa mercar BMI por 172,5 millóns de libras.[13] O 30 de marzo de 2012 aprobouse a compra de BMI, coa condición de que o grupo combinado se desfixese de 12 slots dirios e alugase 2 diarios en Heathrow. A adquisición foi completada o 20 de abril, e a frota e rutas de BMI integráronse no calendario de British Airways ao longo dese ano.[14]
O 8 de novembro de 2012 IAG realizou unha oferta en efectivo para mercar Vueling, a aeroliña de baixo custo baseada en Barcelona. A oferta foi de 7 euros por acción ordinaria, prevéndose un custo total de adquisición duns 113 millóns de euros. Foi financiada con recursos internos de IAG. Os activos totais de Vueling a 30 de setembro dese ano eran de 805 millóns de euros, e nos nove meses antes desa data xerara eneficios de 59 millóns antes de impostos. A xunta de Vueling aceptou o 9 de abril de 2013 unha mellor oferta de 9,25 euros, e recibiu a aprobación da maioría do accionariado o 23 de abril. IAG fíxose co control de Vueling o 26 de abril[15][16] En decembro de 2012 IAG completou a fusión das operacións de carga de British Airways, BMI e Iberia nunha única unidade de negocios, IAG Cargo.[17]
En abril de 2013 IAG confirmou a conversión das súas opcións para mercar 18 Boeing 787 Dreamliner en pedidos en firme, nun contrato por valor duns 4,8 mil millóns de dólares.[18][19] O avión substituiría a algúns dos Boeing 747 de British Airway entre 2017 e 2021.[18] O 16 de outubro Iberia revelou unha nova librea que comezaría a usar dende finais do mes de novembro dese ano.[20]
No Farnborough Airshow de 2014 IAG converteu as opcións para 20 Airbus A320neo en pedidos en firme que substituirán a 21 avións de rutas curtas de British Airways.
En xaneiro de 2015 IAG fixo unha oferta de 1 000 millóns de libras por Aer Lingus. Agardábase que se aceptase, despois de rexeitar dúas ofertas anteriores.[21] No mes de maio o goberno irlandés accedeu a vender as súas accións en Aer Lingus a IAG,[22] como xa fixera a xunta de administración finais de xaneiro.[23] A toma de posesión fíxose irreversible o 18 de agosto.[24]
O 1 de marzo de 2015 Stephen Kavanagh foi nomeado CEO de Aer Lingus e director executivo do seu consello de administraión. No mes de outubro Rachel Izzard foi nomeada directora financeira e tamén entrou no seu consello de administración (antes de unirse a Aer Lingus, Rachel Izzard era directora financeira de IAG Cargo). En novembro Alex Cruz foi nomeado CEO de British Airways. Steve Gunning foi nomeado director financeiro de British Airways.[25]
En abril de 2016 anunciouse que Qatar Airways incrementara o seu accionariado en IAG do 9.99% ata case o 12%.[26] No mes de maio Qatar Airways volveu a aumentar o seu accionariado ata o 15.01%.[27]
Remove ads
Divisións, subsidiarias e franquías
A estrutura das principais compañías é a seguinte:
Aer Lingus[28]
- Aer Lingus Regional (franquía)
British Airways
- BA CityFlyer
OpenSkies
Comair (18% de accións)
SUN-AIR (franquía)
IAG Cargo (fusión entre Iberia Cargo e British Airways World Cargo)- Iberia
- Air Nostrum (franquía, comercializada como Iberia Regional)
- Iberia Express
- Vueling
- Avios Group, opera o programa de viaxeiro frecuente de IAG[29]
Remove ads
Notas
Wikiwand - on
Seamless Wikipedia browsing. On steroids.
Remove ads