lata

Substantivo feminino

lata (sg: lata; pl: latas)

1. Folla de ferro cuberta dunha capa de estaño para que non se oxide.
   • Exemplo: Os botes para as conservas son de lata.
     

1. Por extensión, recipiente pequeno feito con este material.
   • Exemplo: Comprei catro latas de sardiñas.
     

1. Pau longo.
   • Exemplo: Foi á fraga buscar unhas latas de castiñeiro.
     

1. Temón do arado.
   • Exemplo: Facerlle as furas á lata.
     

1. Pau longo colocado sobre estacas.
   • Exemplo: Puxo a saba a secar nunha lata.
     

1. Cada un dos paus longos que suxeitan a palla ou a herba nun palleiro.
   • Exemplo: Poñerlle as latas á meda.
     

1. Pau longo sobre o que se coloca o colmo do teito.
   • Exemplo: Andaba lixeiro coma un gato polas latas.
     

1. Cada unha das táboas que, colocadas sobre os cangos, serven para soster as tellas.
   • Exemplo: Serrar latas para un tellado.
     

1. Estrutura que sostén unha parra.
   • Exemplo: Xa están as latas cubertas de follas e os acios comezan a agromar.
     

1. Lámina fina de madeira coa que se tece o fondo dos cestos.
   • Exemplo: Buscou unha póla ben feita para facer as latas.
     

1. (Música) Recipiente metálico de aceite, pemento, etc., baleiro, empregado na música tradicional galega para o acompañamento musical.
   • Exemplo: A rapaza golpeaba a lata ritmicamente.