Abdou Labo

Abdou Labo ɗan siyasar Nijar ne kuma memba na Ƙungiyar Demokradiyya da Walwalan ɗan Adam (CDS-Rahama). Ya yi aiki a takaice a gwamnatin Nijar a matsayin Ministan Tsaro daga shekarar 1994 zuwa shekarar 1995, kuma a ƙarƙashin Shugaba Mamadou Tandja ya rike mukaman minista a shekarun 2000s: ya kasance Ministan kayan aiki daga shekarar 2000 zuwa shekarar 2002, karamin Ministan Wasanni da Al'adu. daga shekarar 2002 zuwa shekarar 2004, da kuma Karamin Ministan Hydraulics daga shekarar 2004 zuwa shekarar 2007. Daga baya, a ƙarƙashin Shugaba Mahamadou Issoufou, ya yi aiki a matsayin Ƙaramin Ministan Cikin Gida daga shekarar 2011 zuwa shekarar 2013 da kuma ƙaramin Ministan Noma daga shekarar 2013 zuwa shekarar 2014.

Abdou Labo
Member of the National Assembly of Niger (en)
Rayuwa
Haihuwa	N'guigmi, 1950 (74/75 shekaru)
ƙasa	Nijar
Karatu
Harsuna	Faransanci
Sana'a
Sana'a	ɗan siyasa da minista
Imani
Jam'iyar siyasa	Democratic and Social Convention

Takarda akan abdou labo

Harkar siyasa

Bayan zaɓukan shekarar 1993, inda aka zaɓi shugaban CDS Mahamane Ousmane a matsayin Shugaban Nijar kuma kawancen da suka haɗa da CDS sun sami rinjaye a majalisar, an naɗa Labo a matsayin Sakataren Jihakin Sadarwa, yana aiki a ƙarƙashin Ministan Sadarwa, Al'adu, Matasa da Wasanni, Hassoumi Massoudou, a ranar 23 ga watan Afrilu shekarar 1993. ^[1] Ya yi aiki a wannan matsayin har zuwa lokacin da aka naɗa shi Ministan Tsaro na ƙasa a gwamnatin Firayim Minista Souley Abdoulaye a ranar 5 ga watan Oktoba shekarar 1994; waccan gwamnatin ta yi aiki ne na dan lokaci, ^[2] duk da haka, kuma Labo ya bar gwamnati bayan CDS ta fadi a zaɓen majalisar dokoki na watan Janairu shekarar 1995.

Zaɓen majalisar dokoki na shekarar 1999 ya kasance wanda ya samu nasarar kawancen National Movement for the Development of Society (MNSD) da CDS, sannan aka nada Labo a matsayin Ministan Kayan aiki da Sufuri a ranar 5 ga watan Janairun shekarar 2000. An gyara muƙaminsa na minista a ranar 17 ga watan Satumbar shekarar 2001, lokacin da aka nada shi a matsayin Ministan Kayan aiki, Gidaje, da Gudanar da Yankin, kuma a ranar 8 ga watan Nuwamba shekarar 2002 aka ba shi mukamin karamin Ministan Wasanni, Al'adu, da Wasannin Faransanci . Bayan zaben majalisar dokoki na watan Disambar shekarar 2004, wanda aka zabi Labo a matsayin dan takarar CDS ga Majalisar Ƙasa daga mazabar Maradi, ^[3] Labo ya ci gaba da kasancewa a cikin gwamnati kuma an nada shi Ƙaramin Ministan Hydraulics, Muhalli, da Yaki da Hamada. a ranar 30 ga watan Disamba shekarar 2004.

A cikin gwamnatin da aka ambata a ranar 1 ga watan Maris shekarar 2007, Labo ya kasance Ministan Jiha amma an bar shi a matsayin mai kula da lantarki. Shi ne na biyu cikin masu mukamin gwamnati, bayan Firayim Minista Hama Amadou . ^[4] Ba a sa shi cikin gwamnatin Firayim Minista Seyni Oumarou ba, wanda aka nada a ranar 9 ga watan Yunin shekarar 2007 bayan ƙuri'ar rashin amincewa da tsohuwar gwamnatin. ^[5] Shugaba Mamadou Tandja ya yanke shawara a waccan lokacin cewa ya kamata a cire ministocin da suka yi aiki a cikin gwamnati sama da shekaru biyar daga ciki. ^[6]

Labo ya zama Mataimakin Shugaban Ƙasa na CDS, wanda ke wakiltar Sashin Maradi, a 2002. ^[7]

Kodayake CDS da Shugabanta, Mahamane Ousmane, sun goyi bayan Seyni Oumarou a zagaye na biyu na zaɓen shugaban kasa na Janairu <span typeof="mw:Entity" id="mwMg">–</span> Maris shekarar 2011, Labo ta goyi bayan abokin hamayyar Oumarou, Mahamadou Issoufou . Issoufou ya ci zabe kuma ya fara aiki a matsayin Shugaban ƙasa a ranar 7 ga watan Afrilu shekarar 2011; sannan ya naɗa Labo ga gwamnati a matsayin Ƙaramin Ministan cikin gida, Tsaro na Jama'a, Bada iko, da kuma Addini a ranar 21 ga watan Afrilu shekarar 2011. ^[8]

Labo ya koma matsayin karamin Ministan Noma a ranar 13 ga watan Agusta shekarar 2013; Hassoumi Massoudou ya maye gurbinsa a Ma'aikatar Cikin Gida.

An kama matar Labo a watan Yunin shekarar 2014 dangane da wani bincike kan safarar jarirai daga " masana'antar jarirai " a Najeriya, inda yaran suka haifa da 'yan mata da aka kama sannan aka sayar da su. Labo ya musanta kasancewa tare da haramtacciyar hanyar sadarwar, amma kuma an kama shi a watan Agustan 2014. ^[9] Ba tare da bata lokaci ba aka kore shi daga gwamnati a ranar 25 ga watan Agusta shekarar 2014 kuma aka maye gurbinsa da Maidagi Allambeye, wani memba na CDS. ^[10]

Daga baya, a shekarar 2015, aka zaɓi Labo a matsayin dan takarar CDS na zaɓen shugaban ƙasa a shekarar 2016, inda ya kayar da Mahamane Ousmane, wanda daga baya aka ayyana shi a matsayin ɗan takarar wata jam’iyyar. ^[11]