Ամբրոլաուր

Ամբրոլաուր (վրաց.՝ ამბროლაური ), քաղաք Վրաստանի Ռաչա-Լեչխումի և Քվեմո Սվանեթի երկրամասում։ Այդ երկրամասի (կամ մարզի) և Ամբրոլաուրի շրջանի վարչական կենտրոնն է։ Քաղաքի կարգավիճակ է ստացել 1966 թվականին։ 2014 թվականին բնակավայրինշնորհվել է ինքնակառավարվող քաղաքի կարգավիճակ^[2]։ Գտնվում է Ռիոն գետի ափին, ծովի մակերևույթից մոտավորապես 550 մետր բարձրության վրա։ Զբաղեցնում է 1.6 km².^[3] տարածք։ Բնակչությունը՝ ▲2001 մարդ (2023)^[4]։

Քաղաք
Ամբրոլաուր
վրաց.՝ ამბროლაური
Դրոշ Զինանշան
Երկիր	Վրաստան
Մխարե	Ռաչա-Լեչխումի և Քվեմո ՍվանեթիՌաչա-Լեչխումի և Քվեմո Սվանեթի
Համայնք	Ամբրոլաուրիի մունիցիպալիտետ
Հիմնադրված է	XVII դար թ.
Առաջին հիշատակում	17-րդ դար
Տվյալ կարգավիճակում	1966 թվականից
Մակերես	16,85 կմ²
ԲԾՄ	550±1 մետր
Պաշտոնական լեզու	վրացերեն
Բնակչություն	2047[1] մարդ (2014)
Ազգային կազմ	Վրացիներ
Կրոնական կազմ	Վրաց Ուղղափառ եկեղեցի
Ժամային գոտի	UTC+4
Հեռախոսային կոդ	995 439
Փոստային դասիչ	0400
Պաշտոնական կայք	ambrolauri.ge
Ամբրոլաուր (Վրաստան)
Ամբրոլաուր Վիքիպահեստում

Քաղաքում զարգացած է սննդի արդյունաբերությունը, այդ թվում՝ գինու արտադրությունը։ Կա նաև կարի ֆաբրիկա։ Ամբրոլաուրից ոչ հեռու գտնվող Շաորի լճի ափերին ստեղծվել է հանգստի և առողջարանային գոտի, որը շարունակում է զարգանալ^[5]։ 2017 թ. հունվարին շահագործման է հանձնվել օդանավակայանը, որը նախատեսված է փոքր (մինչև 20 ուղևոր տեղափոխող) ինքնաթիռների համար և միաժամանակ կարող է սպասարկել շուրջ 50 մարդու^[6]։ Ամբրոլաուրն ունի գեղարվեստի հարուստ թանգարան^[7], թատրոն...

Պատմություն

Հնագիտական պեղումների արդյունքները վկայում են, որ քաղաքի ներկայիս տարածքում բնակավայր գոյություն է ունեցել առնվազն վաղ միջնադարյան ժամանակներից։ Ենթադրվում է, որ մերձակայքում գտնվող Նիկործմինդա վանքի արձանագրություններից մեկում հիշատակված Մետեխարա գյուղը եղել է հենց Ամբրոլաուրի տեղում^[8]։ Իսկ Ամբրոլաուր տեղանունը վկայված է 17-րդ դարից (այդ շրջանում բնակավայրը եղել է Իմերեթի արքաների նստավայրերից մեկը. մերձակայքում արքայական ամրոցն էր վեր խոյանում)։ 1934-1937 թթ. բնակավայրը կրել է Ենուկիձե անվանումը՝ ի պատիվ խորհրդային կուսակցական գործիչ Ա. Ս. Ենուկիձեի^[9]։ Բայց երբ վերջինիս 1937 թվականին որպես տրոցկիստի գնդակահարել են, բնակավայրին վերադարձրել են իր պատմական անվանումը^[10]։

Քաղաքը զգալի չափով վնասվել է 1991 թվականի Ռաճա-Ջավյան ուժգին երկրաշարժից^[11]։

Ժողովրդագրություն

Ամբրոլաուրի բնակչության թվաքանակի փոփոխությունները^[12].

Տարին	Բնակչությունը
1979	2639
1989	2935
2002	2541
2009	2500
2010	2333
2011	2400
2013	2408
2014	2047

Անվանի ամբրոլաուրցիներ

• Մանուչար Մաչաիձե (ծնվ. 1949) — ֆուտբոլիստ, Թբիլիսիի «Դինամո» թիմի և ԽՍՀՄ հավաքականի կիսապաշտպան
• Գոչա Մաչաիձե (ծնվ. 1950) — ֆուտբոլիստ, Թբիլիսիի «Դինամո» թիմի և ԽՍՀՄ հավաքականի պաշտպան

Պատկերասրահ

• 
  Քաղաքի համայնապատկերը
• 
  Մերաբ Կոստավա փողոցը
• 
  Գեղարվեստի թանգարանը