Դուբոսարի
From Wikipedia, the free encyclopedia
From Wikipedia, the free encyclopedia
Դուբոսարի (ռուսերեն՝ Дубосса́ры[4], ռումիներեն՝ Dubăsari, ուկրաիներեն՝ Дубоссари[5]), քաղաք Մոլդովայում՝ չճանաչված Մերձդնեստրի Հանրապետությունում, որի կազմի մեջ մտնող նույնանուն շրջանի վարչական կենտրոնն է։ Ընկած է Դնեստր գետի ձախ ափին։ 2015 թվականին բնակավայրին շնորհվել է Մերձդնեստրի Հանրապետության Մարտական փառքի քաղաք կոչումը։
Բնակավայր | |||||
---|---|---|---|---|---|
Դուբոսարի | |||||
ռումիներեն՝ Dubăsari ռուս.՝ Дубоссары ուկրաիներեն՝ Дубоссари մոլդ.՝ Дубэсарь | |||||
| |||||
Երկիր | Մոլդովա Մերձդնեստր | ||||
Համայնք | Մերձդնեստրի Մոլդովական Հանրապետություն, Administrative-Territorial Units of the Left Bank of the Dniester?, Տիրասպոլսկի գավառ և Dubăsari District? | ||||
Հիմնադրված է | 1523 թ. | ||||
Առաջին հիշատակում | 1523[1][2] | ||||
Մակերես | 15,52 կմ² | ||||
ԲԾՄ | 38 մետր | ||||
Բնակչություն | 28 500 մարդ | ||||
Հեռախոսային կոդ | 215 | ||||
Փոստային դասիչ | MD-4500[3] | ||||
Պաշտոնական կայք | dubossary.ru և dubasari.md | ||||
| |||||
1989 թվականի տվյալներով քաղաքում ապրել է 35.806 մարդ, այդ թվում՝ 15.414 մոլդովացիներ (ռումիններ), 10.718 ուկրաինացիներ, 8.087 ռուսներ։ 2004 թվականին անցկացված մարդահամարի տվյալներով քաղաքի բնակչության թվաքանակը եղել է 23.650 inhabitants[6],, ներառյալ 8.954 մոլդովացիներ, 8.062 ուկրաինացիներ, 5.891 ռուսներ, 153 բելառուսներ, 104 բուլղարներ, 90 հայեր, 49 լեհեր, 66 գագաուզներ, 46 հրեաներ, 39 գերմանացիներ, 31 գնչուներ, այլ ազգերի 165 ներկայացուցիչներ կամ ազգությունը չնշածներ։
Ըստ ուսումնասիրողների մեծ մասի կողմից ընդունված վարկածի՝ քաղաքի անվանումն առաջացել է «դուբաս» կոչված նավակի անունից[7], որը պատրաստվում էր ամբողջական ծառաբնից[8]։
Թուրքական վարկածի համաձայն՝ Դուբոսարի անվանումն առաջացել է թաթարական (նողայական) «Տեմբոսառը» կամ «Դեմբոսառը» բառից, որը նշանակում է «Դեղին բլուրներ»[9]։
1951 թվականին սկսվել է Դուբոսարիի ջրէկի շինարարությունը։ 48 մեգավատտ հզորությամբ ջրէկը շահագործման է հանձնվել 1954 թվականին։
Քաղաքում գործում են մեխանիկական գործարանը, կարի ֆաբրիկան, երկաթբետոնե կոնստրուկցիաների արտադրամասը, ծխախոտի կոմբինատը, գինու գործարանը, հացի գործարանը, մսի կոմբինատը։ Մերձակայքում գործող հանքերից կրաքարի մի տարատեսակ է արդյունահանվում։
1992 թ. մերձդնեստրյան ռազմական բախումների հետևանքով զգալի վնաս է հասցվել քաղաքի տնտեսությանը։ 90-ական թվականների երկրորդ կեսին Դուբոսարիի ձեռնարկությունների մեծ մասի սարքավորումները որպես մետաղի ջարդոն հանձնվել են Ռիբնիցայի մետալուրգիական գործարանին։
1787-1791 թվականների ռուս-թուրքական պատերազմից հետո Թուրքիայի տիրապետության տակ գտնվող Մոլդովայից ու Բեսարաբիայից շուրջ 4000 հայեր գաղթեցին և հաստատվեցին Դուբոսարի քաղաքում, ապա հիմնադրեցին Գրիգորիոպոլիս քաղաքը (Գրիգորիոպոլիսի հանդիսավոր հիմնադրման արարողությունը տեղի ունեցավ 1792 թվականի հուլիսի 15-ին) և Իոսիֆովկա ու Վասիլևկա հայաբնակ գյուղերը։ Վերաբնակեցման կազմակերպողներից էին ռուս և հայ ականավոր գործիչներ՝ գեներալ Մ․ Ի․ Կուտուզովը, Տ․ Արղությանը, Գ․ Զաքարյանը։
Նիկոլայ Սկլիֆոսովսկի (1836-1904) - ռուս նշանավոր բժիշկ
Տիմոֆեյ Մոշնյագա (1932-2014) - մոլդովացի անվանի բժիշկ, պետական և հասարակական գործիչ
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.