Ռայպուր

Ռայպուր, քաղաք Կենտրոնական Հնդկաստանում, Չատիսգարհ նահանգի մայրաքաղաք և Ռայպուր շրջանի ադմինիստրատիվ կենտրոն։

Քաղաք
Ռայպուր
անգլ.՝ Raipur հինդի՝ रायपुर
Երկիր	Հնդկաստան
Տարածք	ՌայպուրՌայպուր
Համայնք	Raipur district?
Քաղաքապետ	Կանվար Սայն
Մակերես	226 000 000 քառակուսի մետր
ԲԾՄ	300 մ
Բնակչություն	785 829 մարդ (2011)
Ագլոմերացիա	1 010 087
Կրոնական կազմ	հինդուիստներ, մուսուլմաններ, սիքհեր, ջայնականներ, քրիստոնյաներ, բուդայականներ
Ժամային գոտի	UTC+5:30
Հեռախոսային կոդ	0771[1]
Փոստային ինդեքս	492 xxx
Փոստային դասիչ	492001
Պաշտոնական կայք	raipur.nic.in
Ռայպուր (Հնդկաստան)
Ռայպուր Վիքիպահեստում

Պատմություն

Ռայպուր քաղաքի առաջին բնակավայրերի մնացորդները գտնվում են քաղաքի հարավային մասում, որտեղ պահպանվել են ամրոցի և այլ շինությունների փլատակներ։ Որոշ պատմաբաններ ենթադրում են, որ Ռայպուր քաղաքը գոյություն է ունեցել դեռ IX հազարամյակի սկզբին։ Այնուամենայնիվ, գիտնականների մեծամասնությունը համակարծիք է այն բանին, որ Ռամա Չանդրա թագավորն է հիմնադրել քաղաքը XIV դարի վերջին քառորդում։

Աշխարհագրական դիրք

Ռապուրը գտնվում է Չատիսգարհ նահանգի կենտրոնական հատվածում։ Քաղաքի արևելյան հատվածում Մահանադի գետահովիտն է, որը Հնդկաստանում բրնձի աճեցման կենտրոն է։ Քաղաքից դեպի հյուսիս-արևմուտք տեղակայված են Մայկալի լեռնազանգվածները։ Հյուսիսարևելքում սկսվում է Չոտա-Նագպուր սարահարթը, որը ձգվում է Ջարկհանդ նահանգի տարածքով։

Միջին ջերմաստիճանը

• ամռանը՝ 29-47 °C
• ձմռանը՝ 10-27 °C

Ջերմաստիճանի և տեղումների տարեկան միջին ցուցանիշները քաղաք
Ամիս	հունվ	փետ	մարտ	ապր	մայ	հուն	հուլ	օգոս	սեպ	հոկ	նոյ	դեկ	տարին
միջին ջերմաստիճանը (°C)	27	30	35	39	45	36	30	30	31	31	28	26	32
միջին նվազագույնը (°C)	13	15	20	24	27	26	23	23	22	21	16	14	20
տեղումների քանակը (մմ)	10	17	14	13	18	239	383	364	197	50	11	16	1,330
Աղբյուր՝

Բնակչությունը

Ըստ 2011 թվականի անցկացրած Հնդկաստանի մարդահամարի Ռայպուրի բնակչությունը գյուղական համայնքում կազմում էր 785 829 մարդ, քաղաքային ալգոմորացիայում՝ 1 010 087 մարդ։ Սեռային հարաբերակցությունը՝ 946 կին, 1000 տղամարդ։ Գրագիտության մակարդակը՝ 86,90 %։

Տնտեսական վիճակը

Իր աշխարհագրական դիրքի շնորհիվ այն հանդիսանում է նաև նահանգի տնտեսական կենտրոնը։ Քաղաքում գործում է Չատիսգարխի գյուղատնտեսական մթերքի շուկան։ Բացի այդ, այս ժամանակներում քաղաքը դառնում է նաև արդյունաբերական կենտրոն. նրա տարածքում են տեղակայված ցեմենտի գործարաններ, մարմարի և գրանիտի արտադրման և մշակման գործարաններ։ Գոյություն ունեն նաև տեքստիլ, սննդի արդյունաբերություն, դոճխեժի արտադրություն։

Տեսարժան վայրերը

• Բուրհա Թալաբ-բառացի թարգմանաբար նշանակում է «Հին լիճ» (Burha Talab), քաղաքի ամենամեծ լիճն է, որին հատուկ հմայք է տալիս սաղարթախիտ կղզին։
• Դուդհադարիի տաճարը (Dudhadari) 500-ամյա տաճար, որը նվիրված է հնդկական աստված Ռամին։ Գտնվում է Բուրհա Թալաբ լճից ոչ շատ հեռու։
• Մահանտ Ղասի Դաս (Mahant Ghasi Das)՝ թանգարան, որը պարունակում է ձեռագրերի, նկարների, մետաղադրամների և արձանագրությունների մեծ էկսպոզիցիա։

Ծանոթագրություններ

1. https://www.mapsofindia.com/std/india/chhattisgarh/raipur.html

Վիքիպահեստն ունի նյութեր, որոնք վերաբերում են «Ռայպուր» հոդվածին։