Սարդ-Մարդ. Տնից հեռու
Marvel Studios-ի և Columbia Pictures-ի կողմից նկարահանված սուպերհերոսային ֆիլմ (2019թ.) From Wikipedia, the free encyclopedia
Marvel Studios-ի և Columbia Pictures-ի կողմից նկարահանված սուպերհերոսային ֆիլմ (2019թ.) From Wikipedia, the free encyclopedia
«Սարդ-Մարդ. Տնից հեռու» (անգլ.՝ Spider-Man: Far From Home), ռեժիսոր Ջոն Ուոթսի 2019 թվականին թողարկված ամերիկյան գեղարվեստական ֆիլմը Թոմ Հոլանդի գլխավոր դերակատարմամբ։ Marvel-ի սուպերհերոսի մասին կոմիքսների էկրանավորումն է։ 2017 թվականին թողարկված ֆիլմի շարունակությունն է և թվով 23-րդ ֆիլմը Marvel-ի կինեմատոգրաֆիական տիեզերքում, առաջինը «Անվերջության սագայից» հետո, որը սակայն ավարտում է կինոաշխարհի երրորդ գիծը։
2016 թվականի հոկտեմբերին բանակցություններ են սկսվել «Սարդ-Մարդ. Վերադարձ տուն» ֆիլմի շարունակության վերաբերյալ, որի թողարկման ամսաթիվը հայտարարվել է 2016 թվականի դեկտեմբերին։ Հոլանդը նկարահանումների համար պայմանագիր է կնքել 2017 թվականի հուլիսին։ 2017 թվականի դեկտեմբերին հաստատվել է, որ Ուոթսը կմասնակցի ֆիլմի նկարահանումներին։
«Վրիժառուները. Վերջնախաղ» ֆիլմի իրադարձություններից հետո Փիթեր Փարքերը վերապրում է իր ավագի՝ Թոնի Ստարկի մահը։ Ամառային արձակուրդին ընկերների հետ ուղևորվելով Եվրոպա[19]՝ Փիթերը հավաքագրվում է Նիկ Ֆյուրիի և Մարիա Հիլի կողմից, որոնք ծանոթացնում են պատանուն խորհրդավոր Միստերիոյի հետ։ Վերջինս օգնություն է խնդրում Էլեմենտալների՝ Եվրոպայում տարերային աղետներ բերող և Միստերիոյի նման զուգահեռ այլ իրականությունից եկած արարածների դեմ պայքարելու համար[Ն 1][20][21]:
Դերասան | Դեր |
---|---|
Թոմ Հոլանդ | Սարդ-մարդ |
Սեմյուել Լ. Ջեքսոն | Նիկ Ֆյուրի |
Զենդայա | Միշել «Էմ-Ջեյ» Ջոնս |
Քոբի Սմոլդերս | Մարիա Հիլ |
Ջոն Ֆավրո[22] | Հարոլդ «Հեփի» Հոգան |
Ջեյ Բի Սմուվ | պարոն Դելլ |
Ջեյքոբ Բատալոն | Նեդ |
Մարտին Սթար[23] | պարոն Հարինգթոն |
Մարիսա Տոմեյ | Մեյ Փարքեր |
Ջեյք Ջիլենհոլ | Քվենտին Բեկ / Միստերիո |
Տոնի Ռևոլորի[24] | Ֆլեշ Թոմփսոն |
ԱՆգուրի Ռայս[25] | Բեթի Բրանտ |
Հեմկի Մադերա | պարոն Դելմար |
Նուման Աջար | Դիմիտրի |
Ռեմի Հայ[26] | Բրեդ Դևիս |
Օլի Հիլ[24] | անհայտ |
Զաք բարաք[27] | անհայտ |
Սթեն Լի[28] | կամեո |
2016 թվականի հունիսին Sony Pictures ընկերության նախագահ Թոմ Ռոտմանը հայտարարել է, որ Sony-ն և Marvel Studiosը ծրագրում են ընդլայնել Սարդ-Մարդու մասին ֆրանշիզը «Սարդ-Մարդ. Տունդարձ» ֆիլմի պրեմիերայից հետո[29]։ Marvel Studios ընկերությունը ավելի վաղ ուներ միտք քայլելու Հարի Փոթերի հետքերով, որպեսզի յուրաքանչյուր ֆիլմի սյուժեն գրավում էր նոր ֆիլմ ամեն ուսումնական տարվա սկզբում[30]։ Երկրորդ ֆիլմի իրադարձությունները տեղի են ունենում Փիթեր Փարքեր/Սարդ-Մարդու՝ միջին դպրոցի 10-րդ դասարանում սովորելու ընթացքում[31]։ 2016 թվականի հոկտեմբերին սկսվել են քննարկումներ սիքվելի վերաբերյալ, ներառյալ այն հարցը, թե ով պետք է լինի ֆիլմի չարագործը[32]։ Թոմ Հոլանդը պայմանագիր է կնքել Սարդ-Մարդու վերաբերյալ երեք ֆիլմերում, այդ թվում նաև «Տունդարձում» նկարահանվելու համար[33]։ Դեկտեմբերին՝ «Տունդարձ» ֆիլմի առաջին թրեյլերի հաջող թողարկումից հետո, Sony-ն հայտարարել է սիքվելի թողարկման ամսաթիվը[34]։
2017 թվականի հունիսին հայտնի է դարձել, որ Sony-ն Երկաթե մարդու փոխարեն օգտագործում է Marvel Studios-ի այլ կերպարը[35]։ Քևին Ֆայգին հայտարարել է, որ Marvel-ը և Sony-ն դեռ նոր են սկսել սիքվելի վերաբերյալ նախապատրաստական աշխատանքները[36]։ Marvel-ը և Sony-ն շատ էին ուզում ռեժիսոր Ջոն Ուոթսին վերադարձնել սիքվելի վրա աշխատելու համար[37]։ Բացի այդ, Ֆայգին նշել է, որ ֆիլմը կկոչվի այնպես, ինչպես «Տունդարձը», միայն կավելացվի ենթավերնագիր, և վերնագրում չի ններառվի «2» թիվը։ Պրոդյուսերը նաև նշել է, որ նկարահանումները պետք է սկսվեն 2018 թվականի ապրիլին կամ մայիսին[38]։ Պասկալը նշել է, որ ֆիլմի իրադարձությունները պետք է սկսվեն «Վրիժառուները. Վերջնախաղ» ֆիլմից մի քանին րոպե անց[39]։ Ինչպես «Տունդարձի» դեպքում, այնպես էլ այս ֆիլմում կներկայացվի չարագործ, որին դեռ երբեք չեն տեսել ոչ մի էկրանավորման մեջ[40]։ 2017 թվականի հուլիսին Ուոթսն սկսել է բանակցություններ ստուդիաների հետ, որպեսզի նորից զբաղեցնի ռեժիսորական աթոռը[41]։ Այդ ժամանակ Մարիսա Թոմեյը հետաքրքրված էր նախորդ ֆիլմում կատարած Մեյ Փարքերի դերին վերադառնալով[42]։
2017 թվականի օգոստոսին ֆիլմն անցել է նախաարտադրությոան փուլ[38]։ Այդ ժամանակ Քրիս Մաքենան և Էրիկ Սոմերսը, որ «Տունդարձի» սցենարիստներն են, եզրափակիչ բանակցություններ էին վարում ստուդիայի հետ ֆիլմի վրա կատարվող աշխատանքներին մասնակցելու համար[43]։ 2017 թվականի հոկտեմբերին Ջեյքոբ Բատալոնը (Նեդ) պայմանագիր է կնքել ֆիլմում նկարահանվելու համար[44]։ 2017 թվականի դեկտեմբերին Ուոթսը նշանակվել է սիքվելի ռեժիսոր[45]։ 2018 թվականի փետրվարին Զենդայան (Միշել «Էմ Ջեյ» Ջոնս) հաստատել է ֆիլմում իր մասնակցությունը[46]։ Ապրիլի վերջին Ֆայգին հայտարարել է, որ նկարահանումները կսկսվեն 2018 թվականի սկզբին Լոնդոնում, այլ ոչ թե Ատլանտայում, որտեղ նկարահանվել էր առաջին ֆիլմը։ Պրոդյուսերը ճշտել է, որ ֆիլմի իրադարձությունները կծավալվեն երկրարգնդի այլ հատվածներում ևս, բացի Նյու Յորքից[47]։ Մեկ ամիս անց Ջեյք Ջիլենհոլը բանակցություններ է սկսել Միստերիոյի դերի համար։ Մինչ այդ հաստատվել էր Թոմեյի, Մաքեննայի և Սոմերսի մասնակցությունը[48][49]։ 2018 թվականի հունիսի վերջին Հոլանդը հրապարակել է ֆիլմի անվանումը[50] և հաստատել Ջիլենհոլի մասնակցությունը ֆիլմում[51]։ Ֆայգին նշել է, թե վտանգ է եղել, որ ֆիլմի անվանումը կարող է հայտնվել համացանցում, այդ պատճառով էլ Marvel-ի ղեկավարությունը որոշել է նախօրոք ներկայացնել այն[52]։
Նկարահանումները մեկնարկել են Անգլիայի Հարթֆորդշիր քաղաքում 2018 թվականի հուլիսի 2-ին[53] «Ջորջի ամառը» աշխատանքային վերնագրով[54]։ Արտադրության մեկնարկից անմիջապես հետո Հեմկի Մադերան (պարոն Դելմարը)[55], Ջեյ Բի Սմուվը[56] և Նուման Աջարը պայմանագիր են կնքել նկարահանումներին մասնակցելու համար[57]։ Նկարահանումներն անցկացվել են Լոնդոնում[47]։ Օգոստոսի սկզբին Սեմյուել Լ․ Ջեքսոնը (Նիկ Ֆյուրի) և Քոբի Սմոլդերսը (Մարիա Հիլ) հաստատել են իրենց մասնակցությունը ֆիլմի նկարահանումներին[58]։ Արտադրությունն ավարտվել է 2018 թվականի հոկտեմբերի 17–ին[59]։
Ժապավենը ԱՄՆ-ում վարձույթի դուրս է եկել 2019 թվականի հուլիսի 2-ին[60]։ Հայաստանում ֆիլմի պրեմիերան տեղի է ունեցել հուլիսի 4-ին[61]։
Երրորդ ֆիլմի գործողությունները տեղի են ունենալու Փիթեր Փարքերի՝ միջին դպրոցի ավարտական դասարանում սովորելու ընթացքում[31]։ Այն թողարկվել է 2021 թվականի դեկտեմբերին՝ «Սարդ-Մարդ. Տունդարձի ճանապարհ չկա» վերնագրով։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.