Pagsasao a Leton

Ti Leton (latviešu valoda) ket isu ti opisial nga estado a pagsasao ti Letonia. Daytoy ket sagpaminsan a tinawtawagan a kas ti Lettish. Adda dagiti agarup a 1.4 a riwriw a patneng a Leton a mangisasao idiay Latvia ken agarup a 150,000 iti ballasiw taaw. Ti pagsasao a Leton aket adda dagiti adu a bilang dagiti saan a patneng a mangisasao, a kadawyan daytoy ti bassit a pagsasao. Agarup a 1.9 a riwriw wenno 79% ti Leton a populasion ket makasao ti Leton.^[2] Kadagitoy adda ti agarup a 1,165,000 ti agus-usar a kas ti kangrunaan a pagsasaoda idiay balayda.^[3] Ti panagusar ti pagsasao a Leton kadagiti nadumaduma a luglugar ti sosial a biag idiay Latvia ket umad-adon.^[4]

Leton
latviešu valoda
Patubo iti	Letonia
Rehion	Baltiko
Patubo a mangisasao	[1]
Pamilia	Indo-Europeano Balto-Eslabo Baltiko Dumaya a Baltiko Leton
Panagsurat	Leton nga abesedario (Latin)
Opisial a kasasaad
Opisial a mangisasao	Letonia  Kappon ti Europa
Nagalagad	Sebtro ti Pagsasao ti Leton a Estado
Kodkodigo ti pagsasao
ISO 639-1	lv
ISO 639-2	lav
ISO 639-3	lvs
Linguaesperio	54-AAB-a
Aglaon daytoy nga artikulo kadagiti simbolo ti ponetiko ti IPA. No awan ti maitunos a suporta ti panangipaay, mabalin a makitam dagiti marka-ti-saludsod, kahon, wenno sabali pay a simbolo imbes a dagiti karakter ti Unicode.

Ti Leton ket maysa a pagsasao a Baltiko ken asideg a maikabagian ti Lituano, nupay dagitoy dua ket saanda nga agsinnaranay a maawatan.

Ti Leton ket immuna a nagparang iti Akinlaud a pannakaimaldit idi tengnga ti maika-16 a siglo nga adda ti pannakakopia ti Kararag ti Dios iti Leton idiay Cosmographia Universalis ni Sebastian Münster , iti Latin a sinuratan.