Pagsasao a Māori

Ti Maori wenno Māori /ˈmaʊri/ ket pagsasao a Polinesio dagiti indehenio a Maori (Māori) nga etniko a grupo ti Baro a Selanda. Manipud idi 1987, maysa daytoyen kadagiti baro nga opisial a pagsasao ti Baro a Selanda. Daytoy ket kameng ti sasao nga Akindaya a Polinesio, nga asideg a kabagian ti Is-isla ti a Māori, Tuamotua, ken Tahitiano.

Māori
Te Reo
Patubo iti	Baro a Selanda
Rehion	Polinesia
Etnisidad	Tattao a Māori
Patubo a mangisasao	60,000 (2011)[1] 160,000 makasao a maipanggep kadagiti aniaman nga inaldaw a banag (senso ti 2006)[2]
Pamilia	Austronesio Malayo-Polinesio Oseaniko Polinesio Akindaya a Polinesio Tahitiko Maori–Moriori Māori
Panagsurat	Latin (Māori nga abesedario) Māori a Braille
Opisial a kasasaad
Opisial a mangisasao	Baro a Selanda
Nagalagad	Komision ti Pagsasao a Māori
Kodkodigo ti pagsasao
ISO 639-1	mi
ISO 639-2	mao (B) mri (T)
ISO 639-3	mri
ELP	Māori
Aglaon daytoy nga artikulo kadagiti simbolo ti ponetiko ti IPA. No awan ti maitunos a suporta ti panangipaay, mabalin a makitam dagiti marka-ti-saludsod, kahon, wenno sabali pay a simbolo imbes a dagiti karakter ti Unicode.

Segun ti panagsukimat idi 2001 iti salun-at ti pagsasao a Māori, ti bilang dagiti manakman a nalaing nga agsao ket agarup idi a 9% ti populasion dagiti Māori, wenno 29,000 a manakman.^[3] Ti nailian a senso a naaramid idi 2006, nupay kasta, nangisingasing a ti porsiento idi ket agarup a 4% iti intero a populasion ti Baro a Selanda,^[4] wenno 23.7% iti populasion dagiti Maori.