Apulia

Puglia esas Italiana regiono. Lua vicina regioni esas Molise norde, Kampania weste, e Basilikata sud-weste. Este jacas Adriatiko, e sude jacas gulfo di Taranto. Segun statistiki de 2023, ol havis 3 895 352 habitanti. Lua tota surfaco esas 19 540,9 km². Lua chef-urbo esas Bari.

Apulia Regiono di Italia Antiqua templo che urbo Canosa di Puglia. Chefurbo Bari Maxim granda urbo Bari Oficala linguo o lingui: Italiana. Regionala linguo: Baresi Surfaco 19 540,9 km² Habitanti Denseso di habitantaro 3 895 352 (2023) 199,34 hab./km² Prezidanto Vito Leccese (PD) Horala zono UTC+1 (UTC+2 dum somero) TNP (yaro) € 79 646 milioni (2021) Reto regione.puglia.it

Historio

Ceramiko de la 5ma yarcento aK trovita en Taranto.

La regiono esas richa en arkeologiala restaji. En 1993, trovesis fosili de primitiva Homo neanderthalensis evanta plua kam 250 mil yari che groto Lamalunga. Cirkume la 2ma yarmilo aK, la regiono habitesis da Iliriani e da altra populi de Italiana peninsulo. Dum la 8ma yarcento aK, Greki expansis sua koloniigo en la regiono, konocata kom Magna Grekia, e fondis Taranto e Salento.

La regiono esis multe importanta por l'antiqua Romani, qui kaptis ol dum militi kontre Pirrus de Epiro, inter la 4ma e la 3ma yarcento aK, ma anke subisis granda vinkeso en ca teritorio dum milito kontre generalo Hannibal. Tamen, pos ke Kartagani abandonis la regiono, Romani kaptis portuala urbi Brindisi e Taranto. Dum la fino di Romana republiko e nome dum Romana imperio la regiono prosperis pro kultivo di cereali e produktado di oliv-oleo. Pos ke Romana imperio faliis, la regiono okupesis da Ostrogoti e Lombardi e, depos la 6ma yarcento, da Bizancani. Bari divenis chef-urbo di Bizancana provinco qua extensis til la nuna Basilikata.

Pos ke Normandi konquestis la sudo di Italia dum la 11ma yarcento, Taranto divenis chef-urbo di princio Taranto. En 1042, Normanda aventurero Guillaume de Hauteville fondis komtio Apulia, qua transformesis en komtio Apulia e Kalabria en 1059. Depos 1130 ol divenis parto di Rejio Sicilia. Dum la 13ma yarcento diversa autori nomizis "Apulia" a tota sudal Italia. Dum Siciliana dominaco, Apulia atingis granda progreso ekonomiala e civila, nome dum la regno di Friedrich la 2ma, Santa Romana imperiestro, qua stimulis la konstrukto di diversa religiala e sekulara edifici, kelk ek li kun granda artala valoro, inkluzite citadelo Castel del Monte. Depos 1282, kande insulo Sicilia separesis de kontinentala teritorii, la regiono enkorpigesis dal rejio Napoli.

Depos la duimo dil 18ma yarcento la regiono prosperis, kun developo di komerco ed agrokultivo. Dum la regno di Napoleon Bonaparte de 1806 til 1815, eventis reformo di judiciala sistemo ed aboliso di feudismo.

Geografio

Ekonomio