Saskatchewan

Saskatchewan esas un ek la 10 provinci di Kanada, jacanta centre de la lando. Segun statistiki de 2020, ol havis 1 177 884 habitanti, qui rezidas precipue apud lua sudala bordo. Lua tota surfaco esas 651 900 km², di qui preske 10% (exakte 59 366 km²) esas aquo, de lua nombroza fluvii, aquo-rezerveyi e plu kam 100 mil lagi. Ol havas kom vicini Alberta weste, la Nord-westala Teritorii norde, Nunavut nord-este, Manitoba este, ed Usana stati Montana e Nordal Dakota sude.

Saskatchewan Provinco di Kanada [Regina, Saskatchewan Chefurbo Regina Maxim granda urbo Saskatoon Surfaco 651 900 km² Habitanti Denseso di habitantaro 1 177 884 (2020) 1,86 hab./km² Chefa ministro Lietnanto-guvernisto Scott Moe W. Thomas Molloy Fondita o kreita 1ma di septembro 1905 Posto-kodexo abreviuro SK Horala zono UTC-7 (monti) e UTC-6 (centrala) (UTC-6 dum la somero) TNP (yaro) CAD $79 415 milioni (2015) Reto https://www.saskatchewan.ca/

La bazo dil ekonomiko esas precipue kultivo di cereali, nome frumento.

Geografio

Valo di rivero Norda Saskatchewan.

Saskatchewan esas la sola provinco di Kanada sen naturala frontiero. Sua formo esas quadrilatera. La maxim multa ek lua habitantaro rezidas en la maxim sudala triimo di lua teritorio, sude de paralelo 53°N e proxim la frontiero kun Usa.

Saskatchewan subdividesas en du granda regioni geografiala: la boreala foresto norde, e la prataro, sude. La du regioni separesas per transito-zono nomizita "parko di tremuli" (Aspen parkland), proxim rivero Norda Saskatchewan. La nordo di la provinco kovresas da foresti, ecepte en dunoza regiono proxim lago Athabasca, la maxim vasta duni aktiva en la mondo norde de paralelo 58°N.

Provinci e teritorii di Kanada
Provinci: British Columbia | Alberta | Saskatchewan | Manitoba | Ontario | Kebekia | New Brunswick | Insulo Prince Edward | Nova Skotia | Newfoundland e Labrador
Teritorii: Yukon | Northwest Territories | Nunavut