David Devaney
From Wikipedia, the free encyclopedia
Remove ads
David Allen Devaney (30. maí 1955 – 29. maí 2023) var íslensk-bandarískur körfuknattleiksmaður sem lék með Njarðvík í efstu deild á Íslandi.
Remove ads
Æska
David fæddist í Reykjavík á Íslandi. Móðir hans var íslensk en faðir hans var bandarískur og starfaði hjá Lockheed á Keflavíkurflugvelli. Á unglingsaldri tók David þátt í körfuboltadeild starfsmanna á vellinum þar sem hann var iðulega meðal stigahæstu leikmanna. [1][2]
Ferill
David lék í efstu deild karla með Njarðvík tímabilið 1972–1973 og var meðal bestu manna deildarinnar. Í mars 1973 skoraði hann 49 stig á móti Þór Akureyri.[3] Hann varð þriðji hæstur í heildarstigum í deildinni með 280 stig, á eftir Þóri Magnússyni (306 stig) og Bjarna Gunnari Sveinssyni (285 stig). David var þó með hæsta meðalskorið í deildinni, 31,1 stig, en sökum meiðsla spilaði hann í einungis 9 af 14 leikjum Njarðvíkur.[4] Hann leiddi deildina í vítanýtinguna, en hann setti niður 81,8% af vítaskotum sínum.[5][2]
8. september 1973 lék hann með Njarðvík í 72–86 tapi þeirra á móti KR í Bikarkeppni KKÍ en eftir það hélt hann til Bandaríkjana í nám við Háskóla Suður Flórída.[6] Hann lék á ný með Njarðvík í janúar 1974 er hann var staddur á landinu í leyfi. Þann 5. janúar tryggði hann Njarðvík 2 stiga sigur á Íþróttafélagi Stúdenta með tveimur vítum þegar 12 sekúndur voru eftir. Alls skoraði hann 30 stig í leiknum.[7][8]
Remove ads
Tölfræði í efstu deild
Persónulegt líf
Eftir að David fluttist vestur um haf starfaði hann sem fasteignasali í Bandaríkjunum. Hann lést á heimili sínu í Tampa í Flórída 29. maí 2023.[9]
Heimildir
Wikiwand - on
Seamless Wikipedia browsing. On steroids.
Remove ads