Hage Geingob

Hage Gottfried Geingob^[1] (3. ágúst 1941^[2] – 4. febrúar 2024) var þriðji forseti Namibíu. Hann gegndi embættinu frá því mars 2015 til dauðadags í febrúar 2024. Geingob var jafnframt fyrsti forsætisráðherra Namibíu frá sjálfstæði landsins árið 1990 til ársins 2002 og aftur frá 2012 til 2015. Frá 2008 til 2012 var Geingob verslunar- og iðnaðarráðherra landsins. Geingob var forseti stjórnarflokksins SWAPO frá því í nóvember 2017, en flokkurinn hefur setið í ríkisstjórn Namibíu frá sjálfstæði landsins.

Hage Geingob
Hage Geinbob árið 2020.
Forseti Namibíu
Í embætti 21. mars 2015 – 4. febrúar 2024
Forsætisráðherra	Saara Kuugongelwa
Varaforseti	Nickey Iyambo (2015–2018) Nangolo Mbumba (2018–2024)
Forveri	Hifikepunye Pohamba
Eftirmaður	Nangolo Mbumba
Forsætisráðherra Namibíu
Í embætti 21. mars 1990 – 28. ágúst 2002
Forseti	Sam Nujoma
Forveri	Embætti stofnað
Eftirmaður	Theo-Ben Gurirab
Í embætti 4. desember 2012 – 20. mars 2015
Forseti	Hifikepunye Pohamba
Forveri	Nahas Angula
Eftirmaður	Saara Kuugongelwa-Amadhila
Persónulegar upplýsingar
Fæddur	3. ágúst 1941(1941-08-03) Otjiwarongo, Namibíu
Látinn	4. febrúar 2024 (82 ára) Windhoek, Namibíu
Þjóðerni	Namibískur
Stjórnmálaflokkur	SWAPO
Maki	Priscilla „Patty“ Geingos (g. 1967; skilin 1992) Loini Kandume (g. 1992; skilin 2008) Monica Kalondo (g. 2015)
Börn	3
Háskóli	Temple University Fordham University (BA) The New School (MA) University of Leeds (PhD)

Geingob var kjörinn forseti Namibíu í nóvember árið 2014 með afgerandi forskoti á aðra frambjóðendur. Hann var kjörinn forseti SWAPO þremur árum síðar á 6. flokksþingi flokksins. Í ágúst 2018 hóf Geingob eins árs kjörtímabil sem formaður Suður-afríska þróunarbandalagsins (SADC).^[3]

Geingob lést úr krabbameini á sjúkrahúsi í Windhoek þann 4. febrúar árið 2024.^[4]