2015

Árþúsund:	3. árþúsundið
Aldir:	20. öldin 21. öldin 22. öldin
Áratugir:	1991–2000 2001–2010 2011–2020 2021–2030 2031–2040
Ár:	2012 2013 2014 2015 2016 2017 2018

Janúar

Thumb — Sjúkrabílar utan við skrifstofur *Charlie Hebdo* í París.

Janúar - Íslenski fjölmiðillinn Stundin stofnaður.
1. janúar - Evrasíusambandið varð til þegar samningur gekk í gildi milli Rússlands, Hvíta-Rússlands, Armeníu, Kasakstan og Kirgistan.
1. janúar - Litáen tók upp evru í stað fyrri gjaldmiðils, litháísks litas.
3.-7. janúar - Hryðjuverkasamtökin Boko Haram myrtu yfir 2000 manns í Baga í Nígeríu.
7. janúar - Skotárásin á Charlie Hebdo: Hryðjuverkamenn réðust á skrifstofur franska skopmyndatímaritsins Charlie Hebdo og myrtu ellefu manns.
9. janúar - Franski hryðjuverkamaðurinn Amedy Coulibaly tók 20 manns í gíslingu í kosher-matvöruverslun í París.
10. janúar - Stormurinn Egon gekk yfir Norðvestur-Evrópu.
11. janúar - Kolinda Grabar-Kitarović var kjörinn forseti Króatíu.
12. janúar - Cristiano Ronaldo hlaut Gullknöttinn annað árið í röð.
14. janúar - Forseti Ítalíu, Giorgio Napolitano, dró sig í hlé af heilsufarsástæðum.
15. janúar - Sviss afnam hámark á gengi svissneska frankans gagnvart evrunni.
16. janúar - Björgvin G. Sigurðsson, fyrrverandi viðskipta- og bankamálaráðherra Samfylkingarinnar, er rekinn sem sveitarstjóri Ásahrepps vegna fjárdráttar.
22. janúar - Borgarastyrjöldin í Jemen: Uppreisnarsveitir húta í Jemen náðu forsetahöllinni á sitt vald. Forseti Jemen, Abd Rabbuh Mansur Hadi, sagði af sér.
23. janúar - Salman prins tók við konungdómi í Sádí-Arabíu.
31. janúar - Sergio Mattarella var kjörinn forseti Ítalíu.

Febrúar

4. febrúar - 43 létust þegar TransAsia Airways flug 235 hrapaði í Keelung-á við Taípei.
10. febrúar - Malasíski stjórnarandstæðingurinn Anwar Ibrahim var dæmdur í fimm ára fangelsi fyrir saurlífi.
11. febrúar - Skipstjóri skemmtiferðaskipsins Costa Concordia sem sökk 2012 var dæmdur í 16 ára fangelsi.
12. febrúar - Al Thani-málið: Fjórir fyrrum stjórnendur Kaupþings banka voru sakfelldir í Hæstarétti.
12. febrúar - Minsksamkomulagið: Rússar, Úkraínumenn, Þjóðverjar og Frakkar komust að samkomulagi um vopnahlé í Austur-Úkraínu.
14. febrúar - Skotárásin í Kaupmannahöfn: Byssumaður myrti tvo og var skotinn til bana af lögreglu.
15. febrúar - 21 Kopti frá egypska bænum Al-Our við Minya voru hálshöggnir af liðsmönnum Íslamska ríkisins.
16. febrúar - Egyptalandsher hóf loftárásir á ISIS í Líbýu í hefndarskyni fyrir morð á kristnum Egyptum.
24. febrúar - Byssumaður skaut átta til bana og sjálfan sig síðast á veitingastað í Uherský Brod í Tékklandi.
27. febrúar - Rússneski stjórnarandstæðingurinn Boris Nemtsov var myrtur á götu í Moskvu.
28. febrúar - Eldgosinu í Holuhrauni lauk.

Mars

5.-8. mars - Liðsmenn Íslamska ríkisins eyðilögðu hinar fornu borgir Nimrud, Hatra og Dur-Sharrukin í Írak.
6. mars - Geimfarið Dawn komst á braut um dvergreikistjörnuna Ceres. Þetta var í fyrsta sinn í sögu mannkyns sem geimfar komst á braut um dvergreikistjörnu.
9. mars - Frönsku íþróttamennirnir Camille Muffat, Florence Arthaud og Alexis Vastine, fórust í þyrluslysi við upptökur á þættinum Dropped í Argentínu.
12. mars - Nígeríski hryðjuverkahópurinn Boko Haram tilkynnti að þeir hefðu sameinast Íslamska ríkinu.
13. mars - Sádíhneykslið: Vopnaframleiðslusamstarfi Svía og Sádí-Araba lauk formlega.
15. mars - 14 létust og 70 særðust í árásum á kristnar kirkjur í Pakistan.
20. mars - Almyrkvi á sólu gekk yfir Atlantshaf, Færeyjar, Svalbarða og Norðurslóðir og sást mjög vel á Íslandi.
20. mars - 142 létust í tveimur sjálfsmorðsárásum á moskur í Sanaa, höfuðborg Jemen.
21. mars - Forseti Jemen, Abd Rabu Mansur Hadi, lýsti Aden höfuðborg ríkisins.
24. mars - 150 manns létust þegar Airbus A320-211-farþegaþota Germanwings brotlenti í frönsku Ölpunum.
25. mars - Sádí-Arabía hóf loftárásir á uppreisnarsveitir í Jemen.
26. mars - Íslenska brjóstabyltingin hófst á því að þrjár íslenskar konur hvöttu kynsystur sínar til að mæta í Laugardalslaug berar að ofan.
31. mars - Muhammadu Buhari varð forseti Nígeríu.

Apríl

2. apríl - 148 voru myrtir af hryðjuverkamönnum Al-Shabab í háskólanum Garissa University College í Kenýa.
13. apríl - Tékkneski aðgerðasinninn Vít Jedlička lýsti yfir sjálfstæði Líberlands.
15. apríl - Nokia eignaðist franska símtæknifyrirtækið Alcatel-Lucent.
17. apríl - Úkraína óskaði eftir því að Alþjóðadómstóllinn í Haag fjallaði um stríðsglæpi aðskilnaðarsinna á Krímskaga.
18. apríl - Hópar fólks réðust gegn erlendu verkafólki í Jóhannesarborg í Suður-Afríku.
25. apríl - Jarðskjálfti gekk yfir Nepal og olli alls 9.018 dauðsföllum í Nepal, Indlandi, Kína og Bangladess.
29. apríl - Alþjóðaheilbrigðismálastofnunin tilkynnti að rauðum hundum hefði verið útrýmt í Ameríku.
30. apríl - Könnunarfarið MESSENGER rakst á plánetuna Merkúr eftir að hafa verið á braut um hana frá 2011. Forsætisráðherra Ungverjalands, Viktor Orbán, lýsti því yfir að landið ætti að taka aftur upp dauðarefsingu og reisa fangabúðir fyrir ólöglega innflytjendur.

Maí

1. maí - Heimssýningin Expo 2015 hófst í Mílanó.
11.-12. maí - Málverkið Les Femmes d'Alger eftir Pablo Picasso seldist á 179,3 milljónir dala á uppboði hjá Christie's í New York. Við sama tækifæri seldist höggmyndin L'Homme au doigt eftir Alberto Giacometti fyrir 141,3 milljónir. Í báðum tilvikum var um metfé að ræða.
12. maí - Annar jarðskjálfti reið yfir Nepal með þeim afleiðingum að 218 létust.
20. maí - Ríki aðskilnaðarsinna í Úkraínu, Donetsklýðveldið og Luhansklýðveldið, ákváðu að hætta við stofnun sambandsríkisins Novorossija.
23. maí - Írar kusu að lögleiða hjónabönd samkynhneigðra. Måns Zelmerlöw sigraði Söngvakeppni evrópskra sjónvarpsstöðva 2015 fyrir Svíþjóð með laginu „Heroes“. Írar samþykktu að heimila hjónabönd samkynhneigðra í atkvæðagreiðslu.
26. maí - Yfir 2000 manns fórust í hitabylgju á Indlandi þar sem hitinn fór upp í 50 gráður.
29. maí - Fjárkúgunarmálið: Tvær systur voru handteknar í Hafnarfirði vegna tilraunar til að kúga fé út úr Sigmundi Davíð Gunnlaugssyni forsætisráðherra.
31. maí - Ný rússnesk lög gengu í gildi sem heimiluðu stjórn landsins að reka burt erlend og alþjóðleg samtök sem ekki falla henni í geð.

Júní

1. júní - Smáþjóðaleikarnir voru settir í Reykjavík.
1. júní - Allir nema 14 af 465 farþegum ferjunnar Dongfang zhi Xing fórust þegar hún sökk á Jangtsefljóti.
2. júní - Forseti Alþjóðaknattspyrnusambandsins Sepp Blatter tilkynnti að hann hygðist segja af sér.
6. júní - Indland og Bangladess fullgiltu samkomulag frá 1974 um að skiptast á útlendum við landamærin.
12. júní - Evrópuleikarnir voru settir í fyrsta sinn í Bakú í Aserbaídsjan.
17. júní - Bandaríski stjórnmálamaðurinn Clementa C. Pinckney var myrtur ásamt átta öðrum í skotárás á kirkju í Charleston.
25. júní - Blóðbaðið í Kobanî: Yfir 220 manns létust þegar ISIL-liðar sprengdu þrjár bílasprengjur í bænum Kobanî í Sýrlandi.
26. júní - Moskusprengingin í Kúveit: 27 létust og 227 særðust í sprengjuárás ISIL á mosku í Kúveitborg.
26. júní - Árásirnar í Susa: 22 ára gamall liðsmaður ISIL hóf skothríð á ferðamannastaðnum Port El Kantaoui í Túnis og drap 38 manns.
26. júní - Hæstiréttur Bandaríkjanna dæmdi að bandarísku fylkin gætu ekki bannað hjónabönd samkynhneigðra.
29. júní - Sjónvarpsstöðin NBC sagði upp samstarfi sínu við Donald Trump vegna ummæla hans um íbúa Mexíkó.
30. júní - Lockheed C-130 Hercules-herflutningavél hrapaði á íbúðahverfi í Medan á Súmötru með þeim afleiðingum að 143 létust.

Júlí

1. júlí - Skuldakreppan í Grikklandi: Grikkland varð fyrsta iðnríkið sem ekki náði að greiða af skuld við Alþjóða gjaldeyrissjóðinn á gjalddaga.
4. júlí - Tupou 4. var krýndur konungur Tonga.
5. júlí - Grískir kjósendur felldu tillögur Evrópusambandsins um aðhald í ríkisrekstri í þjóðaratkvæðagreiðslu.
10. júlí - Íþróttafélagið Magni var stofnað á Grenivík.
13. júlí - Ungverjar hófu að reisa 4 metra háa og 170 km langa girðingu við landamærin að Serbíu til að hindra för flóttafólks.
14. júlí - Geimfarið New Horizons flaug framhjá Plútó og varð þannig fyrsta geimfarið til að komast í námunda við dvergreikistjörnuna.
14. júlí - Samningar náðust um kjarnorkuáætlun Írans sem fólu í sér takmarkanir á auðgun úrans.
17. júlí - Miklir skógareldar hófust í nágrenni Aþenu á Grikklandi vegna hitabylgju.
18. júlí - 115 létust þegar sprengja sprakk á markaði í Bagdad. Íslamska ríkið lýsti ábyrgð á hendur sér.
20. júlí - Bandaríkin og Kúba endurreistu stjórnmálasamband og bundu enda á 54 ára illdeilur sín á milli.
20. júlí - Sprengjutilræðið í Suruç: 33 létu lífið í sprengjutilræði í Suruç í Tyrklandi.
23. júlí - NASA sagði frá uppgötvun plánetunnar Kepler-452 b sem er líkust jörðinni af þeim plánetum sem þekktar eru.
24. júlí - Tyrkland hóf sprengjuárásir á Verkamannaflokk Kúrda og Íslamska ríkið.
25. júlí - Heimsleikar seinfærra og þroskaheftra hófust í Los Angeles.

Ágúst

2. ágúst - 9000 slökkviliðsmenn voru kallaðir út til að berjast við skógarelda í Kaliforníu.
5. ágúst - Brak úr Malaysian Airlines flugi 370 fannst við eyjuna Réunion.
6. ágúst - Súesskurðurinn var tvöfaldaður á 35 km kafla sem stytti siglingatímann umtalsvert.
6. ágúst - Andrzej Duda tók við embætti forseta Póllands.
8. ágúst - Sigrún Þuríður Geirsdóttir - fyrsta íslenska konan til að synda yfir Ermarsundið
12. ágúst - Sprengingarnar í Tianjin: Sprengingar urðu í efnageymslu í Tianjin í Austur-Kína. 173 létu lífið.
13. ágúst - 67 létust þegar bílasprengja sprakk á markaði í Bagdad í Írak.
17. ágúst - 20 létust og 124 særðust þegar sprengja sprakk í Erawan-helgidómnum í Bangkok í Taílandi.
20. ágúst - Alexis Tsipras forsætisráðherra Grikklands sagði af sér og boðaði kosningar í september.
27. ágúst - 70 flóttamenn fundust látnir í flutningabíl á vegi á landamærum Slóvakíu og Austurríkis.

September

9. september - Elísabet 2. Bretlandsdrottning náði þeim áfanga að verða sá þjóðhöfðingi Bretlands sem lengst hefur setið.
10. september - Vísindamenn sögðu frá uppgötvun áður óþekktrar manntegundar, Homo naledi, í Suður-Afríku.
14. september - Vísindamönnum í bandarísku rannsóknarstofnuninni LIGO tókst í fyrsta sinn að greina þyngdarbylgjur.
17. september - Milljón manns yfirgáfu heimili sín þegar öflugur jarðskjálfti varð í Chile.
18. september - Upp komst um aðferðir bílaframleiðandans Volkswagen til að blekkja mengunarpróf díselbíla.
20. september - Flokkurinn SYRIZA hélt meirihluta sínum eftir þingkosningar í Grikklandi.
24. september - 2.200 manns létust í troðningi í Mekka í Sádí-Arabíu.
24. september - Öngþveiti myndaðist á landamærum Serbíu og Krótaíu þegar Serbar lokuðu fyrir alla vöruflutninga frá Króatíu.
25. september - Markmið Sameinuðu þjóðanna um sjálfbæra þróun voru samþykkt á allsherjarþingi Sameinuðu þjóðanna.
28. september - Geimferðastofnun Bandaríkjanna tilkynnti að fljótandi vatn hefði fundist á yfirborði Mars.
28. september - Sérstakur tunglmyrkvi, kallaður blóðmáni, sást víða.
30. september - Rússar hófu loftárásir á Íslamska ríkið og stjórnarandstæðinga í Sýrlandi.

Október

3. október - Bandaríkjaher varpaði sprengjum á spítala Lækna án landamæra í Afganistan með þeim afleiðingum að 20 létust.
4. október - 14 létust þegar stormur gekk yfir Frönsku rivíeruna.
10. október - 100 létust í sjálfsmorðssprengjuárás sem gerð var á friðargöngu í Ankara í Tyrklandi.
19. október - Frjálslyndir undir forystu Justin Trudeau sigruðu þingkosningar í Kanada.
23. október - Fellibylurinn Patricia varð öflugasti fellibylur sem mælst hafði á vesturhveli jarðar. 50 þúsund manns voru flutt frá heimilum sínum í Mexíkó.
23. október - 43 farþegar létust þegar rúta lenti í árekstri við flutningabíl við Puisseguin í Frakklandi.
24. október - Þúsundum mótmælenda sem kröfðust afsagnar Milo Đukanovićs lenti saman við lögreglu í Podgorica í Svartfjallalandi.
26. október - 398 létust þegar jarðskjálfti reið yfir Hindu Kush-fjallgarðinn.
31. október - 314 létust þegar rússneska farþegavélin Metrojet flug 9268 hrapaði á Sínaískaga í Egyptalandi.

Nóvember

7. nóvember - Xi Jinping, forseti Alþýðulýðveldisins Kína, og Ma Ying-jeou, forseti Lýðveldisins Kína, áttu fyrsta formlega leiðtogafundinn í sögu ríkjanna.
9. nóvember - Katalónska þingið samþykkti að stefna að sjálfstæði héraðsins. Ríkisstjórn Spánar kærði samþykktina til hæstaréttar.
12. nóvember - 43 létust og 239 slösuðust í röð sjálfsmorðssprengjuárása í Beirút í Líbanon. Íslamska ríkið lýsti ábyrgð á hendur sér.
13. nóvember - Hryðjuverkaárásirnar í París nóvember 2015: 130 létust og hundruð særðust í hrinu hryðjuverkaárása sem Íslamska ríkið stóð fyrir í París og Saint-Denis.
20. nóvember - Hryðjuverkamenn gerðu árás á Radisson Blu-hótelið í Bamakó í Malí og tóku 170 manns í gíslingu.
24. nóvember - Borgarastyrjöldin í Sýrlandi: Tyrkir skutu niður rússneska herþotu.
30. nóvember - Loftslagsráðstefna Sameinuðu þjóðanna 2015 hófst í París, Frakklandi.

Desember

4. desember - 16 létust þegar maður henti sprengju inn á veitingastað í Kaíró í Egyptalandi.
8. desember - Fagnaðarhátíð miskunnar var sett af Frans páfa.
12. desember - Parísarsamkomulagið var samþykkt á Loftslagsráðstefnu Sameinuðu þjóðanna í París.
12. desember - Konur fengu í fyrsta sinn að kjósa í þingkosningum í Sádí-Arabíu.
15. desember - Hernaðarbandalag íslamskra ríkja gegn hryðjuverkum var stofnað.
19. desember - Tíu hús eyðilögðust og einn lést þegar snjóflóð reið yfir Longyearbyen á Svalbarða.
20. desember - Yfir 100 kúrdískir hermenn létust í árásum Tyrklandshers á landamærum Sýrlands og Íraks.
22. desember - Bandaríska geimferðafyrirtækinu SpaceX tókst að lenda eldflaug af gerðinni Falcon 9 sem þar með varð fyrsta endurnýtanlega eldflaugin sem farið hafði á braut um jörðu og lent.

Ódagsettir atburðir

Þúsaldarmarkmiðum Sameinuðu þjóðanna átti að hafa verið náð fyrir þetta ár.

Atburðir

Janúar

Febrúar

Mars

Apríl

Maí

Júní

Júlí

Ágúst

September

Október

Nóvember

Desember

Ódagsettir atburðir

Fædd

Dáin

Nóbelsverðlaunin

Wikiwand - on