Nirvana (hljómsveit)

Nirvana var gruggrokk-hljómsveit sem var starfandi á síðari hluta níunda áratugarins fram að miðjum tíunda áratugnum. Hljómsveitin hætti störfum eftir að söngvari og gítarleikari sveitarinnar, Kurt Cobain, lést 5. apríl 1994.

Nirvana
Nirvana í beinni á MTV Video Music Awards árið 1992. Á myndinni sjást Kurt Cobain (að framan) og Krist Novoselic (að aftan)
Upplýsingar
Önnur nöfn	Skid Row (1987) Pen Cap Chew (1987) Bliss (1987–1988) Ted Ed Fred (1988)
Uppruni	Aberdeen, Washington, BNA
Ár	1987–1994
Stefnur	Grugg jaðarrokk pönk harðrokk
Útgáfufyrirtæki	Sub Pop DGC
Fyrri meðlimir	Kurt Cobain Krist Novoselic Dave Grohl ásamt öðrum
Vefsíða	nirvana.com

Saga hljómsveitarinnar

Nirvana var stofnuð árið 1987 í Aberdeen, Washington-fylki. Kurt Cobain kynntist Krist Novoselic í gegnum hljómsveitina Melvins. Áður en þeir stofuðu Nirvana, voru þeir í mörgum hljómsveitum saman. Bleach var heitið á fyrstu breiðskífu sveitarinnar og kom hún út árið 1989. Eftir Bleach kom Nevermind árið 1991, þekktasta skífa þeirra félaga en lagið „Smells like Teen Spirit“ sló í gegn og vakti athygli á fleiri hljómsveitum frá Seattle.

Incesticide, sem var þriðji diskurinn, kom út árið 1992 og eru á þeim disk B-hliða lög. Síðasti diskurinn sem kom út meðan Nirvana var ennþá starfandi, var In Utero, árið 1993. Seinna eftir að Nirvana hætti, komu út nokkrir diskar. MTV Unplugged in New York kom út í nóvember 1994. From the Muddy Banks of the Wishkah kom út 1996, sem eru tökur frá tónleikum á árunum 1989–1994. Einnig komu fleiri safndiskar og tónleikadiskur frá Reading-hátíðinni eftir endalok sveitarinnar.

Dave Grohl stofnaði hljómsveitina Foo Fighters eftir endalok Nirvana.

Hljómsveitarmeðlimir

Lengst af

• Kurt Cobain - söngur, gítar (1987–1994)
• Krist Novoselic - bassi (1987–1994)
• Dave Grohl - trommur (1990–1994)
• Pat Smear - Gítar (1992–1994)

Styttri tímabil

• Aaron Burckhard - trommur (1987–1988)
• Dale Crover - trommur (1987–1988, 1990)
• Dave Foster - trommur (1988)
• Chad Channing - trommur (1988–1990)
• Jason Everman - gítar (1989)
• Dan Peters - trommur (1990)

Útgefið efni

Breiðskífur

• Bleach (1989)
• Nevermind (1991)
• In Utero (1993)

Aðrar útgáfur

• Incesticide (B-hliðar) (1992)
• MTV Unplugged in New York (tónleikaplata) (1994)
• Singles (1995)
• From the Muddy Banks of the Wishkah (tónleikaplata) (1996)
• Nirvana (safnplata) (2002)
• With the Lights Out (2004)
• Sliver: The Best of the Box (2005)
• Live at Reading (tónleikaplata) (2009)

Tenglar

• Opinber vefsíða

  Þessi tónlistargrein er stubbur. Þú getur hjálpað til með því að bæta við greinina.