Blokk (lotukerfið)

Blokk í lotukerfinu er safn aðliggjandi flokka. Orkuríkasta rafeind hvers frumefnis í ákveðnum flokki tilheyrir alltaf sama rafeindasvigrúmi í grunnstöðu. Hver blokk er því nefnd eftir einkennandi svigrúmi frumeinda þess og heita því s-blokk, p-blokk, d-blokk, f-blokk og g-blokk, eftir því hvort orkuríkasta rafeindin er í s-svigrúmi, p-svigrúmi, d-svigrúmi, f-svigrúmi eða g-svigrúmi.

Blokkir lotukerfisins.

Einkenni

S-blokk

S-blokk lotukerfisins samanstendur af tveimur fyrstu flokkum þess: alkalímálmum og jarðalkalímálmum ásamt vetni og helíni. Í grunnstöðu allra frumefna í þessari blokk, er orkuríkasta rafeindin í s-svigrúmi. Frumefni s-blokkar eru sterkir afsýrar, fyrir utan helín sem er efnafræðilega óvirkt.

P-blokk

P-blokk lotukerfisins samanstendur af síðustu sex flokkum þess fyrir utan helín. Í grunnstöðu allra frumefna í þessari blokk, er orkuríkasta rafeindin í p-svigrúmi. P-blokkin inniheldur alla málmleysingja og málmunga ásamt nokkrum málmum.

Flokkar p-blokkar eru:

• 13 (IIIB,IIIA): Bórflokkur
• 14 (IVB,IVA): Kolefnisflokkur
• 15 (VB,VA): Niturflokkur
• 16 (VIB,VIA): Kalkógen
• 17 (VIIB,VIIA): Halógen
• 18 (hópur 0): Eðalgös

D-blokk

D-blokk lotukerfisins samanstendur af flokkum frumefna sem að í grunnstöðu hafa orkuríkustu rafeindina í d-svigrúmi. Frumefni í d-blokk eru einnig þekkt sem hliðarmálmar.

F-blokk

F-blokk lotukerfisins samanstendur af frumefnum sem í grunnstöðu hafa orkuríkustu rafeindina í f-svigrúmi. Ólíkt hinum blokkunum, fylgir hefðbundin skipting f-blokkar lotum svipaðra sætistalna frekar en flokki svipaðra rafeindasvigrúma. F-blokk hefur því að geyma lantaníð og aktiníð.

G-blokk

G-blokk lotukerfisins samanstendur af frumefnum sem í grunnstöðu hafa orkuríkustu rafeindina í g-svigrúmi. Ekki hafa ennþá fundist frumefni sem tilheyra g-blokk, en spáð hefur verið fyrir um tilvist þeirra með þrautreyndu skammtafræðilegu líkani.

  Þessi grein er stubbur. Þú getur hjálpað til með því að bæta við greinina.