Paul Ryan

Paul Davis Ryan yngri (f. 29. janúar 1970) er bandarískur stjórnmálamaður sem var 54. forseti fulltrúadeildar Bandaríkjaþings. Ryan var varaforsetaefni Repúblikanaflokksins í forsetaframboði Mitts Romney árið 2012.^[1]

Paul Ryan
Forseti fulltrúadeildar Bandaríkjaþings
Í embætti 29. október 2015 – 3. janúar 2019
Forveri	John Boehner
Eftirmaður	Nancy Pelosi
Fulltrúadeildarþingmaður fyrir 1. kjördæmi Wisconsin
Í embætti 3. janúar 1999 – 3. janúar 2019
Forveri	Mark Neumann
Eftirmaður	Bryan Steil
Persónulegar upplýsingar
Fæddur	29. janúar 1970 (1970-01-29) (55 ára) Janesville, Wisconsin, Bandaríkjunum
Þjóðerni	Bandarískur
Stjórnmálaflokkur	Repúblikanaflokkurinn
Maki	Janna Little (g. 2000)
Börn	3
Háskóli	Háskólinn í Miami
Starf	Stjórnmálamaður
Undirskrift

Ryan sat á fulltrúadeild Bandaríkjaþings fyrir fyrsta kjördæmi Wisconsin-fylkis frá árinu 1999 til ársins 2019. Þann 29. október árið 2015 var Ryan kjörinn til að taka við af John Boehner sem forseti fulltrúadeildarinnar eftir að Boehner ákvað að setjast í helgan stein.^[1] Ryan er fyrsti maðurinn frá Wisconsin sem hefur gegnt þessu hutverki. Þann 11. apríl árið 2018 lýsti Ryan því yfir að hann myndi ekki sækjast eftir endurkjöri í þingkosningunum sem haldnar yrðu síðar á árinu.^[2]