Rudy Giuliani

Rudolph William Louis „Rudy“ Giuliani (f. 28. maí 1944) er bandarískur stjórnmálamaður, fæddur í Brooklyn í New York fylki. Hann gegndi stöðu borgarstjóra New York borgar á árunum 1994-2001. Hryðjuverkaárásirnar 11. september 2001 voru gerðar undir lok borgarstjóratíðar Giuliani og hann varð mjög kunnur og vinsæll fyrir viðbrögð sín við árásunum.

Rudy Giuliani
Giuliani árið 2006.
Borgarstjóri New York
Í embætti 1. janúar 1994 – 31. desember 2001
Forveri	David Dinkins
Eftirmaður	Michael Bloomberg
Persónulegar upplýsingar
Fæddur	28. maí 1944 (1944-05-28) (81 árs) New York-borg, New York, Bandaríkjunum
Þjóðerni	Bandarískur
Stjórnmálaflokkur	Repúblikanaflokkurinn (1980–) Óháður (1975–1980) Demókrataflokkurinn (fyrir 1975)
Maki	Regina Peruggi (g. 1968; sk. 1982) Donna Hanover (g. 1984; sk. 2002) Judith Nathan (g. 2003; sk. 2019)
Börn	2
Háskóli	Háskólinn á Manhattan New York-háskóli
Starf	Lögfræðingur, stjórnmálamaður
Undirskrift

Giuliani sóttist eftir tilnefningu repúblikana í forsetakosningunum árið 2008 en hætti eftir slakt gengi í forkosningunum í Flórída. Hann gaf í kjölfarið þá yfirlýsingu að hann myndi styðja John McCain.

Frá árinu 2018 hefur Giuliani unnið sem lögfræðingur fyrir Donald Trump Bandaríkjaforseta.^[1] Giuliani lék lykilhlutverk í tilraunum Trumps til að hnekkja niðurstöðum forsetakosninganna 2020, þar sem Trump tapaði endurkjöri fyrir Joe Biden. Meðal annars ávarpaði Giuliani stuðningsmenn Trumps í aðdraganda árásar þeirra á Bandaríkjaþing þann 6. janúar 2021, og sagði þeim að deilur þeirra um kosninganiðurstöðurnar yrðu aðeins leystar með „bardagaréttarhöldum“ (e. „trial by combat“).^[2][3]

Giuliani var sviptur lögmannsréttindum í New York-fylki í júní 2021 fyrir að ljúga að dómstólum í málssóknum sínum til að fá kosningarnar 2020 dæmdar ógildar.^[4]