Tony Blair

Sir Anthony Charles Lynton Blair (fæddur 6. maí 1953) oftast þekktur sem Tony Blair er fyrrum forsætisráðherra Bretlands. Hann leiddi Verkamannaflokkinn frá júlí 1994 til 24. júní 2007 og komst til valda eftir yfirburðasigur flokksins í þingkosningunum 1997. Hann tók þá við forsætisráðherraembættinu af John Major og batt enda á 18 ára samfellda stjórn Íhaldsmanna. Tony Blair hefur setið lengst allra forsætisráðherra Verkamannaflokksins og er sá eini sem hefur leitt flokkinn til sigurs í þremur þingkosningum í röð.

Sir Tony Blair
Tony Blair árið 2010.
Forsætisráðherra Bretlands
Í embætti 2. maí 1997 – 27. júní 2007
Þjóðhöfðingi	Elísabet 2.
Forveri	John Major
Eftirmaður	Gordon Brown
Leiðtogi Verkamannaflokksins
Í embætti 21. júlí 1994 – 24. júní 2007
Forveri	John Smith
Eftirmaður	Gordon Brown
Persónulegar upplýsingar
Fæddur	6. maí 1953 (1953-05-06) (72 ára) Edinborg, Skotlandi, Bretlandi
Þjóðerni	Breskur
Stjórnmálaflokkur	Verkamannaflokkurinn
Maki	Cherie Booth (g. 1980)
Börn	4
Háskóli	St John's College, Oxford

Blair færði flokkinn nær miðjunni í breskum stjórnmálum og kallað þessa stefnubreytingu „nýja Verkamannaflokkinn“ (e. New Labour). Flokkurinn varð undir hans forystu jákvæðari gagnvart markaðshagkerfinu og fráhverfari þjóðnýtingu. Þessari stefnu hafa verið gefin nöfn á borð við „nútímajafnaðarmennsku“ og „þriðja leiðin“ en margir af vinstrisinnaðri flokksmönnum hafa orðið til að gagnrýna stefnubreytinguna og álíta flokkinn hafa færst of langt til hægri og snúið baki við þeim hugsjónum sem flokkurinn var byggður á, eins og jafnari skiptingu auðs í samfélaginu.

Hörð gagnrýni á Blair hefur einnig risið vegna þátttöku Breta í „stríðinu gegn hryðjuverkum“ og innrásinni í Írak. Í kosningum 2005 tapaði flokkurinn miklu fylgi en hélt þó meirihlutanum. Gordon Brown leysti Blair af sem forsætisráðherra.

Fyrirrennari: John Major

Forsætisráðherra Bretlands (1997 – 2007)

Eftirmaður: Gordon Brown

  Þetta æviágrip sem tengist stjórnmálum er stubbur. Þú getur hjálpað til með því að bæta við greinina.