Uppistand

Uppistand er tegund sagnamennsku þar sem uppistandari stendur á sviði fyrir framan áhorfendur og skemmtir þeim samfelldri röð gamansagna og brandara sem nefnist „sett“. Uppistand fer oftast fram á krám eða pöbbum, en stundum í leikhúsi eða öðrum stærri sviðslistahúsum. Sérstakir uppistandsklúbbar eru víða til í borgum. Uppistand er rauntímalist þar sem samskiptin við áhorfendur skipta miklu máli, en stundum er flutningurinn tekinn upp fyrir útgáfu eða sýningar í öðrum miðlum.

Richard Herring fer með uppistand.

Uppistand gengur venjulega út á að viðkomandi uppistandari stendur á sviði með hljóðnema og fer með frumsamið gamanmál. Sumir nota leikmuni eða fremja töfrabrögð. Á sumum stöðum er boðið upp á „opinn hljóðnema“ þar sem hver sem er má koma upp á sviðið og fara með sitt eigið uppistand fyrir framan áhorfendur. Margir uppistandarar vinna í mörg ár að atriði sínu og uppfæra þau aftur og aftur og breyta þeim smám saman til að ná fram sem bestum áhrifum.

Tengt efni

• Gamanþáttur
• Skopatriði

  Þessi grein er stubbur. Þú getur hjálpað til með því að bæta við greinina.