From Wikipedia, the free encyclopedia
Lémon ya iku salah siji jinis jeruk. Ana sawatara jinis lémon antarané Eureka, Lisbon lan Meyer. Wit lémon bisa tuwuh nganti 6 mèter. Lémon tuwuh ing laladan iklim tropis lan sub-tropis sarta ora tahan hawa adhem. Suhu ideal kanggo lémon supaya bisa thukul kanthi apik ya iku anata 15-30 °C (60-85 °F). Lémon bisa tinemu ing Spanyol, Portugal, Argentina, Brasil, Amérika Sarékat lan nagara-nagara liyané ing saubengé Sagara Tengah. Lémon minangka tuwuhan kang dipigunakaké kanggo masak, nanging bisa uga kanggo kaperluan saliyané masak-memasak. Wohé, mligi dipurih duduh (jus)é, nanging daging woh, kulité uga uga migunani kanggo masak lan bumbu. Jus lémon udakara nagndhut 5% asem, kang mènèhi rasa kecut, lan pH watara 2 nganti 3. Bab iki kang njalari jus lémon minangka zat asem kang murah kanggo èksperimèn sajeroning ngèmu sains.
Lémon | |
---|---|
Woh lémon | |
Klasifikasi ngèlmiah | |
Karajan: | Plantae |
Unranked: | Angiosperms |
Unranked: | Eudicots |
Unranked: | Rosids |
Ordho: | Sapindales |
Famili: | Rutaceae |
Génus: | Citrus |
Spésies: | C. limon |
Jeneng binomial | |
Citrus limon (L.) Osbeck | |
Sinonim[1] | |
Pratélan
|
Lémon wis kapacak ing literatur wiwit abad angka 10 ana ing risalah basa Arab ngenani tetanèn, sanajan tuwuhan iki mbokmanawa pisanan ditandhur ing Assam, India. Lémon dianggo tanaman hias ing kebonan nalika jaman Islam kuna. Lemonade manawa wiwit kaloka ing Mesir jaman abad pertengahan.[2] Jeneng lémon disilih saka basa Arab līmūn لیمون liwat basa Italia & Pranceis kuna.[3][4][5]
Ing taun 1747, èksperimèn James Lind tumrap pelaut kang nandang lara radhang gusi migunakaké Vitamin C sajeroning panganan nganggo jus lémon.[6]
Lémon dianggo ngganwé lemonade, lan minangka campuran kanggo garnish ombénan. Es teh, soft drink lan banyu sok disuguhké nganggo irisan lémon ning gelas utawa ning lambé gelas.
Rata-rata siji woh lémon ngandhut telung sendhok mangan jus. Lémon kang diumbaraké ing suhu kamar utawa diangeti ing mikrowave sawatara wektu luwih gampang diperes duduhé.. Lémon kang ora dilebokaké ing lemari ès kanggo wektu sing rada suwé bisa ndadèkaké njamur.
Iwak lumrahé diolès dhisik nganggo lémon kanggo ngilangake ambu amisé. Zat asem lémon nétralaké zat amine saka iwak lan ngrubah dadi uyah ammonium.
Jus lémon, utawa campuran karo jus liyané, dipigunakaké kanggo mbumboni daging sadurungé dimasak: zat asem saka lémon sabagéan nyairaké serat collagen sajeroning daging, saéngga bisa ngempukaké daging kang arep dimasak..
Ajiné nutrisi saben 100 g (3.5 oz) | |
---|---|
Ènergi | 121 kJ (29 kkal) |
9 g | |
Gula | 2.5 g |
Serat panganan | 2.8 g |
0.3 g | |
Protéin | 1.1 g |
Vitamin | |
Vitamin C | (64%) 53 mg |
Komponèn liyané | |
Banyu | 89 g |
Citric acid | 5 g |
| |
Persèntase sadarma pangira-ira sarana pamrayoga ing AS tumrap wong diwasa. |
Sawetara sumber mratelakaké yèn lémon ngandhut campuran flavonoid unik kang duwé zat anti oksidan lan anti kanker.[7] Bab iku kang bisa nyegah tuwuhing sèl kanker. Lemonin kang tinemu sajeroning lémon bisa dadi zat anti-carcinogen.
Amarga dhuwuré kandhungan Vitamin C, lémon didadèkké obat alternatif minangka tonic kanggo obat sistim pencernaan, sistim kakebalan, lan kulit.[butuh sitiran] Ana kapitayan sajeroning pangobatan Ayurvedic yèn secangkir tèh lémon bisa nguataké ;lan ngresiki liver. Ing sawijining study Jepang bab effect aromatherapy, saka lémon essential oil sing awujud keluk dismpulaké bisa ngurangi stres tumraping tikus.[8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.