Demeter

Demeter (Grikenlan: Δημήτηρ, Dēmētēr, Ana ing mitologi Yunani, dimungkinaké duwé teges "ibu bumi" kang minangka dèwi tetanèn lan kasuburan.^[1][2][3] Demeter iku kang ngendhalèkaké panèn, kasuburan lemah, mangsa (dilambangaké nganggo Horai), lan gandum.^[1][3] Demeter iku putri saka Kronos lan Rhea.^[1][3] Sawisé lair, Demeter lan sadulur-seduluré dipangan karo Kronos, kang wedi yèn siji dina tahtané digulingaké déning anaké.^[4] Demeter dislametaké déning Zeus lan kadhangkala karan uga dadi salah siji saka déwa Olimpus kang nganthèni Hades amarga Hades luwih kerep ana ing donya ngisor.^[4] Demeter ya iku dèwi kang ngajaraké manungsa nenandur kang ndadèkaké manungsa banjur lunga saka cara ajag lan ngracik.^[4] Rambut Demeter nglambangake bulir-bulir gandum kang dadi simbole.^[4] Demeter uga digambarake nganggo polos, makutha kang wujudé bunder.^[4] Demeter duwé anak kang jenenge Persefone kang dadi jathukramane Hades. Konon, kisah Persefone iki minangka asal mula anané papat mangsa.^[1][3] Nalika Persefone urip bareng karo Hades, Demeter nelangsa lan bumi banjur ngalami mangsa atis.^[3] Ewadéné nalika Persefone urip bareng Demeter, Demeter ngrasa bungah lan nalika iku banjur ana mangsa semi.^[4] Demeter lan Persefoen minangka figur utama ana ing golongan pamujan rahasia, Misteri Eleusis.^[3] Ana ing kabudayan Romawi, Demeter dikenal karo jeneng Ceres".^[3] Dimungkinaké jeneng Ceres iki dadi inspirasi kanggo siji mèrk bahan panganan lapis coklat kang kerep dipigunakaké kanggo nglapisi roti.^[3] Bahan panganan mau digawé saka coklat kang dhapuré kaya wulir pari.^[3]

Pasuryané Demeter