សម្តេច

សម្តេច មានន័យថាលោកអ្នកមានតេជះច្រើន, លោកអ្នកមានបុណ្យមានអំណាចធំ ។ គុ. ខ្ពង់ខ្ពស់, ឧដុង្គឧត្ដម, ថ្កើងស័ក្ដិ ថ្កើងអំណាច, ថ្កើងថ្កាន( សមតែនឹងយល់ថាក្លាយមកពី បា. សំ + តេជ ឬ សំ. សំតេជស៑ "ដែលមានតេជះខ្លាំង" ព្រោះខ្មែរបុរាណសរសេរជា សម្ដេជ ក៏មាន ) ។ ពាក្យសម្រាប់ប្រើបន្ថែមលើព្រះនាម ឬលើឋានន្ដរក្សត្រិយ៍ មន្រ្តីស័ក្តិខ្ពស់ : ព្រះបាទសម្ដេចព្រះហរិរក្សរាមាឥស្សរាធិបតី..., សម្ដេចព្រះមហាក្សត្រិយានី; សម្ដេចព្រះឧបយុវរាជ; សម្ដេចព្រះឧភយោរាជ; សម្ដេចព្រះវររាជជននី; សម្ដេចព្រះមហាឧបរាជ; សម្ដេចព្រះសង្ឃរាជ; សម្ដេចព្រះរៀម; សម្ដេចព្រះអនុជ ។ ល ។ សម្ដេចចៅពញា ឋានន្ដរសេនាបតីទី ១ សម្រាប់ទោ ( មានតែពីក្នុងសម័យបុរាណ ) ។ ល ។^{[វចនានុក្រមខ្មែរសម្តេចសង្ឃរាជជួនណាតភាគ១ ភាគ២ ១]}

សម្តេច គឺជាកិត្តិយសរបស់ខ្មែរដែលត្រូវបានព្រះមហាក្សត្រខ្មែរ ប្រគល់ជូនដល់បុគ្គលនានា ដែលចាត់ទុកថាបានរួមចំណែកយ៉ាងសំខាន់ដល់ប្រទេសជាតិ។ ^[១] ជារឿយៗវាត្រូវបានអមដោយចំណងជើងវែងជាង។ ឧទាហរណ៍ ចំណងជើងពេញរបស់នាយករដ្ឋមន្ត្រី ហ៊ុន សែន គឺសម្តេចអគ្គមហាសេនាបតីតេជោ ហ៊ុន សែន។ ^[២] សមាជិក​រាជវង្ស និង​មេ​ដឹក​នាំសាសនា​មួយ​ចំនួន​ក៏​មាន " សម្តេច " ជា​ផ្នែក​នៃ​ឋានៈ​របស់​ពួក​គេ​ដែរ។ ^{[៣] [៤]} នៅខែកក្កដាឆ្នាំ ២០១៦ រដ្ឋាភិបាលបានបញ្ជាឱ្យប្រព័ន្ធផ្សព្វផ្សាយប្រើប្រាស់ចំណងជើងពេញរបស់មេដឹកនាំ។ ^[១]

ងារ​នេះ​ធ្លាប់​ជា​កម្រមាន​ដូច​ក្នុងរជ្ជកាល​ព្រះបាទ ​នរោត្តម សីហនុ មាន​អ្នក​នយោបាយ​តែ​បួន​រូប​ប៉ុណ្ណោះ​ដែល​បាន​ទទួល​ងារ​នោះ​រួម​មាន ប៉ែន នុត លោក ញឹក ជូឡុង លោក សឺន សាន និង​លោក ចៅ សែន កុសលឈុំ ដែល​សុទ្ធ​សឹង​បាន​ធ្វើ​ជា​នាយក​រដ្ឋមន្ត្រី។ ^[៥]

អ្នកទទួលដែលស្គាល់

រាជានិយម

រាជវង្ស

អ្នក​នយោបាយ

អ្នកដឹកនាំសាសនា