ស្ទឹងសៀមរាប

ស្ទឹងសៀមរាប (អង់គ្លេស : Siem Reap River) គឺជាស្ទឹងមួយដែលហូរកាត់ខេត្តសៀមរាបនៅភាគពាយ័ព្យប្រទេសកម្ពុជា។ស្ទឹងសៀមរាបគឺជាព្រែកសិប្បនិម្មិតដែលបង្កើតនិងកែច្នៃជាច្រើនសារតម្រូវតាមការរៀបចំដែនដីនៅក្នុងសម័យអង្គរដើម្បីបញ្ជូនទឹកចេញពីស្ទឹងពួកទៅទិសខាងត្បូងប្រហែលជាឲ្យហូរចូលទៅបារាយណ៍ខាងកើត។ដោយសារព្រែកនេះត្រង់ទឹកហូរលឿនជាងស្ទឹងធម្មជាតិហើយការហូរលឿនបែបនេះបណ្តាលឲ្យបាក់ស្រុតដីប្រវែង ១០ ម៉ែត្រនៅតំបន់ខ្លះដែលប្រហែលជាបង្កបញ្ហានៅក្នុងការបញ្ជូនទឹកទៅបារាយណ៍ខាងកើត។រំលងអស់រយៈពេលមួយពាន់ឆ្នាំក្រោយមកព្រែកដែលមានសណ្ឋានដីត្រង់នេះបានប្រែប្រួលសណ្ឋានដីទៅជារាងដូចខ្សែកោងដោយសារចរន្តទឹកហូរនិងកើតមានប្រព័ន្ធអេកូឡូស៊ីដ៏ពិសេសហើយដូច្នេះវាកាន់តែត្រឹមត្រូវនៅក្នុងការហៅវាថាជាស្ទឹង។^[១]

ស្ទឹងសៀមរាប
ស្ទឹងសៀមរាប
ទីតាំង
ប្រទេស	កម្ពុជា
លក្ខណៈរូបវន្ត
ប្រភព
• ទីតាំង	ភ្នំគូលែន[២]
• កម្ពស់	៤២០ ម៉ែត្រ
មាត់
• ទីតាំង	បឹងទន្លេសាប
ប្រវែង	៨០ គីឡូម៉ែត្រ
ទំហំអាង	៦៧០ គីឡូម៉ែត្រការ៉េ
ការបញ្ចេញ
• មធ្យម	6.8 m3/s (240 cu ft/s)