អនុទិន ជាញវីរកូល

អនុទិន ជាញវីរកូល (ថៃ៖ อนุทิน ชาญวีรกูล, ចិន៖ 陈锡尧,^[២] កើតថ្ងៃទី១៣ ខែកញ្ញា ឆ្នាំ១៩៦៦) គឺជាអ្នកនយោបាយថៃមួយរូបដែលបច្ចុប្បន្នកំពុងបម្រើការជានាយករដ្ឋមន្ត្រីថៃ។ មុនឡើងកាន់អំណាចជានាយករដ្ឋមន្ត្រី លោកធ្លាប់បានបម្រើការជាឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃថៃពីឆ្នាំ២០២៣ រហូតដល់ពេលដែលលោកបានលាលែងពីមុខតំណែងទាំងពីរនៅថ្ងៃទី១៩ ខែមិថុនា ឆ្នាំ២០២៥។ នៅក្រោមរដ្ឋាភិបាលលោកប្រយុទ្ធ ច័ន្ទ្រ៍ឱជាចាប់ពីឆ្នាំ២០១៩ រហូតដល់ឆ្នាំ២០២៣ លោកអនុទិន​បានបម្រើការជារដ្ឋមន្ត្រីក្រសួងសុខាភិបាល ហើយត្រូវជាបុគ្គលដ៏សំខាន់ម្នាក់ដែលបានទទួលបន្ទុកគ្រប់គ្រងជំងឺរាតត្បាតកូវីដ-១៩ នៅប្រទេសថៃ។^[៣][៤]

អនុទិន ជាញវីរកូល
อนุทิน ชาญวีรกูล
នាយករដ្ឋមន្ត្រីថៃ
កាន់តំណែង
ក្នុងការិយាល័យ ៧ កញ្ញា ២០២៥
ព្រះមហាក្សត្រ	វជិរាលង្ករណ៍
មុន	ពែទងធារ ជិនវ័ត្រ ភូមិធម្ម វេជ្ជយជ័យ (ស្ដីទី)
ឧបនាយករដ្ឋមន្ត្រីថៃ
ក្នុងការិយាល័យ ១០ កក្កដា ២០១៩ – ១៩ មិថុនា​ ២០២៥
នាយករដ្ឋមន្ត្រី	ប្រយុទ្ធ ច័ន្ទ្រ៍ឱជា ស្រេតដ្ឋា ទវីសិន ពែទងធារ ជិនវ័ត្រ
រដ្ឋមន្ត្រីក្រសួងមហាផ្ទៃ
ក្នុងការិយាល័យ ១ កញ្ញា ២០២៣ – ១៩ មិថុនា ២០២៥
នាយករដ្ឋមន្ត្រី	ស្រេតដ្ឋា ទវីសិន ពែទងធារ ជិនវ័ត្រ
មុន	អនុពង្ស ផៅចិន្តា
បន្ទាប់	ភូមិធម្ម​ វេជ្ជយជ័យ
រដ្ឋមន្ត្រីក្រសួងសុខាភិបាលសាធារណៈ
ក្នុងការិយាល័យ ១០ កក្កដា ២០១៩ – ១ កញ្ញា ២០២៣
នាយករដ្ឋមន្ត្រី	ប្រយុទ្ធ ច័ន្ទ្រ៍ឱជា
មុន	ពិយសាកល សាកលសត្យាដ​រ[១]
បន្ទាប់	ចលណន ស្រីកែវ
អនុរដ្ឋមន្ត្រីក្រសួងសុខាភិបាលសាធារណៈ
ក្នុងការិយាល័យ ១១ មីនា ២០០៥ – ១៩ កញ្ញា ២០០៦
នាយករដ្ឋមន្ត្រី	ទក្សិណ ជិនវ័ត្រ
អនុរដ្ឋមន្ត្រីក្រសួងពាណិជ្ជកម្ម
ក្នុងការិយាល័យ ៦ តុលា ២០០៤ – ១១ មីនា ២០០៥
នាយករដ្ឋមន្ត្រី	ទក្សិណ ជិនវ័ត្រ
ប្រធានគណបក្សភូមិជ័យថៃ
កាន់តំណែង
ក្នុងការិយាល័យ ១៤ តុលា ២០១២
មុន	ជវរ័ត្ន ជាញវីរកុល
ព័ត៌មានលម្អិតផ្ទាល់ខ្លួន
កើត	(1966-09-13) 13 កញ្ញា 1966 (អាយុ 59) បាងកក ថៃ
គណបក្ស​នយោបាយ	គណបក្សភូមិជ័យថៃ (តាំងពីឆ្នាំ២០១២)
ទំនាក់ទំនងនយោបាយ ផ្សេងទៀត	គណបក្សថៃរាក់ថៃ​ (២០០១–២០០៧)
ពន្ធភាព	វឌ្ឍនន និរមិត្ត
កូន	២
ឪពុកម្តាយ(s)	ជវរ័ត្ន ជាញវីរកុល (ឳពុក)
សាលាមាតា	សាកលវិទ្យាល័យអូហ្វស្ត្រា (បរិ.វិស្វកម្ម) សាកលវិទ្យាល័យធម្មសាស្ត្រ (បរិ.ខ្ព.រដ្ឋបាលធុរកិច្ច)
ហត្ថលេខា
ឈ្មោះហៅក្រៅ	ហ្នូ (หนู)

លោកអនុទិនធ្លាប់ប្រឡូកជាសមាជិកនៃគណបក្សនយោបាយមួយចំនួននៅថៃដូចជា គណបក្សអភិវឌ្ឍន៍ជាតិ គណបក្សថៃរាក់ថៃ ហើយបច្ចុប្បន្នជាមេដឹកនាំនៃគណបក្សភូមិជ័យថៃ។^[៥]

បន្ទាប់ពីបានព្រមព្រៀងគ្នាជាមួយបក្សប្រឆាំងគឺគណបក្សប្រជាជននៅថ្ងៃទី៣ ខែកញ្ញា ឆ្នាំ២០២៥ លោកអនុទិនបានបង្ហាញពីគោលបំណងក្នុងការបង្កើតរដ្ឋាភិបាលចម្រុះថ្មី និងក្លាយជានាយករដ្ឋមន្ត្រីបន្ទាប់របស់ប្រទេសថៃ។^[៦]