Морозов Сергей Михайлович

Шаблон:Серпасыс абу

Морозов Сергей Михайлович
Чужан лун:	1913-ӧд вося йирым тӧлысь 7-ӧд лун(1913-10-07)[1]
Чужанін:	Межадор (Сыктыв район), Усть-Сысольск уезд, Вӧлӧгда губерния, Россияса империя[d][1] Усть-Сысольск уезд, Вӧлӧгда губерния, Россияса империя[d][1]
Кулан кад:	1988-ӧд вося сора тӧлысь 6-ӧд лун(1988-07-06)[2] (74 арӧс)
Мыйся уджыс:	гижысь, вуджӧдчысь, учёный-литературовед, редактор, директор

Морозов Сергей Михайлович (Рудов Сергей; 1913—1988) — коми гижысь, вуджӧдчысь, коми литература туялысь.

Олан туй

Сергей Морозов чужӧма Вӧлӧгда губерняысь Усть-Сысольск уездса Межадорын (ӧні — Сыктыв районса Межадор сикт) 1913-ӧд вося йирым тӧлысь 7-ӧд лунӧ.

Ветлӧма Айму вӧсна Ыджыд тыш вылӧ. Война бӧрын редакторалӧма Крымса небӧг лэдзанінын да директоралӧма Симферопольын полиграфия училишӧын.

Кулӧма 1988-ӧд вося сора тӧлысь 6-ӧд лунӧ.

Гижан удж

1938-ӧд воын йӧзӧдӧма «Депутатлӧн мӧвпъяс» поэма. Гижӧма висьтъяс, очеркъяс, комиӧдӧма некымын гижӧд. 1957-ӧд воянь пырӧ СССР-са гижысь котырӧ.

Сергей Морозов гижӧма «Паметьын и син водзын» небӧг, кытчӧ пыртӧма статьяяс, очеркъяс да казьтылӧмъяс аслас тшӧтшъяяс йылысь, кодъяс удитісны нимӧдны асьсӧ война да мирнӧй кадӧ.

Дасьтӧма «Вояс пыр, би пыр» антология, кытчӧ пыртіс Айму вӧсна Ыджыд тыш кадӧ усьӧм коми гижысьяслысь гижӧдъяссӧ: Н.А. Шахов (Сандрик Микол) (1898—1943), Я.И. Чупров (Биа Ӧгыр) (1906—1942), Б.С. Ярасов (Биавир) (1908—1942), А.Д. Старцев (Тикӧн Ӧльӧксан) (1906—1943), Н.А. Старцев (Тикӧн Коляй) (1907—1943), И.Н. Симаков (Сим Вань) (1906—1943), И.П. Титов (Тит Паш Вань, И.Лучев) (1908—1941), И.А. Осипов (Вокан) (1911—1942), И.Г. Подоров (Гаврил Иван) (1906—1942), В.П. Латкин (1907—1942), В.И. Елькин (Иван Вась) (1912—1942), А.П. Размыслов (1915—1943), А.Г. Габов (Гриш Саш) (1912—1941), М.И. Шестаков (Мивашеков) (1904—1942), И.Н. Габов (Иван Комсомольскӧй) (1914—1941), А.А. Шаманов (1918—1943), Н.С. Самарин, С.А. Маегов.

Небӧгъяс

• Лолыд кӧ радлӧ: очеркъяс, висьтъяс / Ред. И. В. Изъюров. — Сыктывкар: Коми книжнӧй издательство, 1963. — 64 л.б.
• Тулыс восьлаліс водзӧ: висьтъяс да очеркъяс / Ред. П. Ф. Шахов. — Сыктывкар: Коми книжнӧй издательство, 1973. — 92 л.б.
• Паметьын и син водзын: очеркъяс, статьяяс, казьтылӧмъяс / Ред. В. А. Попов. — Сыктывкар: Коми книжнӧй издательство, 1983. — 189 л.б.
• Вояс пыр, би пыр: Война вылын усьӧм коми гижысьяслӧн висьтъяс, пасйӧдъяс, кывбуръяс / Лӧсьӧдіс С. М. Морозов; Ред. В. А. Попов; Серпасаліс Е. А. Холопова. — Сыктывкар: Коми книжнӧй издательство, 1985. — 304 л.б. (тираж — 5 сюрс)

Комиӧдӧм небӧгъяс

• Юлиус Фучик. Казнь водзвылын кыв. — Сыктывкар: Коми книжнӧй издательство, 1953. — 100 л.б.
• Кононов А. Вернӧй сьӧлӧм: повесть. — Сыктывкар: Коми книжнӧй издательство, 1955. — 404 л.б.
• Раевскӧй Б. Сӧмын водзӧ: повесть. — Сыктывкар: Коми книжнӧй издательство, 1956. — 272 л.б.
• Максим Горькӧй. Мам. — Сыктывкар: Коми книжнӧй издательство, 1957. — 336 л.б.
• Рязанова Е. Том кад заводитчигӧн: повесть. — Сыктывкар: Коми книжнӧй издательство, 1959. — 188 л.б.

Ӧшмӧсъяс

• Морозов Сергей Михайлович