Финъяс

Финъяс (фин suomalaiset) — финн-йӧгра войтыр, ёнджыкасӧ олӧ Суомиын. Сёрнитӧны суоми кывйӧн. Гижӧдыс латиница подулын. Медъёна паськалӧма лютерана эскӧм.

Финъяс
Дӧрапас
Лыд:	6 500 000 гӧгӧр
Оланінъяс:	Суоми
Кыв:	суоми
Эскӧм:	лютеран эскӧм, православие, католик эскӧм
Ӧти рӧдвужысь лоӧм войтыръяс:	Карелъяс, Водь, Вепсъяс, Эстъяс, Ижора, Инкери финъяс

Ас ним да войтыр юкӧнъяс

Финъяс асьнысӧ шуӧны suomalaiset. Медводдзаысь финны (лат. Finni) экзоэтноним паныдасьлӧ римса историк Тацитлӧн (миян эраса I нэм). Птолемейлӧн «Географияын» (3 небӧг, 5 юкӧн, 21) найӧ олӧны Балтика бердын венедамъяскӧд орччӧн. Чайтӧны, мый важся германечьяс тадзи шулісны чери кыйысь да вӧралысь саамъясӧс: важ герм. Finn(ar) ← *fenn(oZ) «корсьысьяс» ← *fenþ- «корсьны, аддзыны». Сёрӧнджык найӧс вежисны асыв-лунвывсянь воысь балтикабердса финъяс, кодъясӧс кутісны шуны сідз жӧ.

Лыд

Суоми канмуын став финсьыс олӧ (4,6 — 4,9 млн морт, 90 %), Америкаса Ӧтувтчӧм Штатъясын — 623,6 сюрс гӧгӧр (2002), Швецияын — 446-сянь 470 сюрсӧдз, Канадаын — 130 сюсрс сайӧ (2006), Рочмуын — 34,1 сюрс морт (2002), Австралияын — 21 сюрс (2006), Ыджыд Британияын — 11 сюрс сайӧ (2001), Эстонияын — 10,6 сюрс (2010), Норвегияын — 10-сянь 60 сюрсӧдз.

Нималана финъяс

• Ян Сибелиус — мирын нималана суоми шылад тэчысь, скрипка да орган ворсысь, дирижёр
• Элиас Лённрот — суоми кыв да фольклор туялысь, бурдӧдысь, «Калевала» карел-суоми эпослӧн автор

Ӧшмӧсъяс