Abecedarium Arabicum

Abecedarium Arabicum (أبجدية عربية), vel alphabetum Arabicum, est systema scripturae pro nonnullis linguis Asianis et Africanis adhibitum, sicut linguis Arabica, Persica, et Urdu. Post abecedarium Latinum, id est alterum latissime adhibitum mundi abecedarium.^[1]

Exemplum calligraphiae Arabicae.

Hoc abecedarium primum adhibitum est ad textus Arabice scribendos, praecipue Alcoranum, sacrum religionis Islamicae librum. Cum Islam in novis regionibus percrebresceret, abecedarium ad multas alias linguas scribendas adhibitum est, atque adeo praeter familiam Semiticam, ad quam Arabica pertinet. Exempla linguarum non Semiticarum abecedario Arabico scriptarum sunt linguae Persica, Urdu, Pashto, Baloch, Malay, Hausa (in Africa Occidentali), Mandinga^[2], Swahili (in Africa Orientali), Balti, Brahui, Panjabi (in Pakistania), Casmirica, Sindhi (in India et Pakistania), Uyghur (in Sinis), Casachica (in Sinis), Kyrgyz (in Sinis), Atropatenice (in Irania), Kurdica (in Iraquia et Irania), et Turcica Imperii Ottomanici. Ut harum linguarum necessitates accommodentur, novae litterae et alia signa ad primum abecedarium addita sunt.

Scriptum Arabicum a dextra ad laevam in stilo cursivo scribitur, et viginti octo litteras principales habet. Cum signis quae optionem dant aliqui vocales designentur, scriptum abiad classificari potest. Sicut sunt varii manuscriptorum typorumque in abecedario Romano stili, scriptum Arabicum habet nonnullos calligraphiae stilos, qui Hijazi, Kufic, Naskh, Nastaʿlīq, Ruq'ah, Shahmukhi, Sini, et Thuluth amplectuntur.

Conlatio

Abecedario Arabico sunt duo conlationis ordines. Primus ordo, abiad appellatus (أبجدي abjadī), de ordine abecedarii Poeni deductus, aliorum abecedariorum de abecedario Poeno deductorum similis est, sicut abecedarium Hebraicum; hic ordo etiam ad res numerandas adhibetur. Altero ordine, appellato hijāʼī (هجائي), litterae formae similes una digeruntur (vide infra); hic ordo adhibetur ubicumque indices nominum verborumque digeruntur, sicut in libris telephonicis, indicibus discipulorum, et dictionariis.

Litterae

Litterae alif, dāl, ḏāl, rā, zāy et wāw (1, 8, 9, 10, 11 et 27 - cum "*") non coniunguntur ad sinistram.

sola	#	nomen	translitteratio	finalis	medialis	initialis	Unicodex/HTML	API
ﺍ	1.	alif	a, ā, i, u	ﺎ	ﺎ*	ﺍ*	ا	a, aː, ɑ, ɑː, i, ɨ, u
ﺏ	2.	bā'	b	ﺐ	ﺒ	ﺑ	ب	b
ﺕ	3.	tā'	t	ﺖ	ﺘ	ﺗ	ت	t
ﺙ	4.	ṯā'	ṯ	ﺚ	ﺜ	ﺛ	ث	θ
ﺝ	5.	ǧīm	ǧ	ﺞ	ﺠ	ﺟ	ج	ʤ
ﺡ	6.	ḥā'	ḥ	ﺢ	ﺤ	ﺣ	ح	ħ
ﺥ	7.	ḫā'	ḫ	ﺦ	ﺨ	ﺧ	خ	χ
ﺩ	8.	dāl	d	ﺪ	ﺪ*	ﺩ*	د	d
ﺫ	9.	ḏāl	ḏ	ﺬ	ﺬ*	ﺫ*	ذ	ð
ﺭ	10.	rā'	r	ﺮ	ﺮ*	ﺭ*	ر	r
ﺯ	11.	zāy	z	ﺰ	ﺰ*	ﺯ*	ز	z
ﺱ	12.	sīn	s	ﺲ	ﺴ	ﺳ	س	s
ﺵ	13.	šīn	š	ﺶ	ﺸ	ﺷ	ش	ʃ
ﺹ	14.	ṣād	ṣ	ﺺ	ﺼ	ﺻ	ص	sˁ
ﺽ	15.	ḍād	ḍ	ﺾ	ﻀ	ﺿ	ض	dˁ
ﻁ	16.	ṭā'	ṭ	ﻂ	ﻄ	ﻃ	ط	tˁ
ﻅ	17.	ẓā'	ẓ	ﻆ	ﻈ	ﻇ	ظ	ðˁ vel zˁ
ﻉ	18.	ʿain	ʿ	ﻊ	ﻌ	ﻋ	ع	ʕ
ﻍ	19.	ġain	ġ	ﻎ	ﻐ	ﻏ	غ	ɣ
ﻑ	20.	fā'	f	ﻒ	ﻔ	ﻓ	ف	f
ﻕ	21.	qāf	q	ﻖ	ﻘ	ﻗ	ق	q
ﻙ	22.	kāf	k	ﻚ	ﻜ	ﻛ	ك	k
ﻝ	23.	lām	l	ﻞ	ﻠ	ﻟ	ل	l
ﻡ	24.	mīm	m	ﻢ	ﻤ	ﻣ	م	m
ﻥ	25.	nūn	n	ﻦ	ﻨ	ﻧ	ن	n
ﻩ	26.	hā'	h	ﻪ	ﻬ	ﻫ	ه	h
ﻭ	27.	wāw	w, ū, u	ﻮ	ﻮ*	ﻭ*	و	w, u, uː
ي	28.	yā'	y, ī, i	ﻲ	ﻴ	ﻳ	ي	j, i, iː, ɨ, ɨː
ة	tā' marbūta		-t, -a, (-h)	ﺔ	–	–	ة	t, a
ء	hamza1)		ʾ	–	–	–	ء	ʔ

¹⁾Etiam potest esse signum diacriticum ( أ إ ؤ ئ ).

Vocales

Abecedarium Arabicum est abiad "impurum": scribuntur vocales longi, sed non breves; ergo, lectori necesse est linguam probe scire ut vocales absentis intellegat. Nihilominus, editiones Alcorani et libri didactici signa vocalizationis adhibent (e.g. super/sub consonante m=م: ma=مَ, mi=مِ, mu=مُ), sukūn (e.g. super consonante m=م: m=مْ) pro praetermissione vocalium et šadda (e.g. super consonante m=م: mm=مّ) pro geminatione (duplicatione consonantium) non exceptis.

Litterae additae

Numeri

Historia

Prela Arabica

Linguae abecedario Arabico scriptae

Usus abecedarii Arabici
Abecedarium Arabicum per mundum.
	→  Civitates ubi scriptum Arabicum est solum orthographia publica.
	→  Civitates ubi scriptum Arabicum adhibetur cum aliis orthographiis.

Linguae nunc abecedario Arabico scriptae

Hodie, Irania, Afganistania, Pakistania, India, et Sinae sunt praecipuae civitates non Arabicae quae abecedarium Arabicum adhibent ad unam pluresve linguas civitatis scribendas, linguis Persica, Dari, Pashto, Panzabi, Urdu, Kashmiri, Sindhi, et Uyghur non exceptis.

Linguae olim abecedario Arabico scriptae

Africa

• Lingua Batava Capitensis in Africa Australi
• Linguae Berber in Africa Septentrionali, praecipue lingua Tachelhit in Maroco
• Lingua Harari, a populo Harari Regionis Harari in Aethiopia adhibita.
• Lingua Malagasia in Madagascaria (scriptum appellatum abecedarium Sorabe)
• Linguae Nubianae
• Lingua Somalica (abecedarium Latinum post 1972 adhibuit; vide scriptum Wadaad)
• Linguae Songhay in Africa Occidentali, praecipue in Timbuctu
• Lingua Suahili (abecedarium Latinum abhinc saeculum undevicensimum adhibuit)
• Lingua Yoruba in Africa Occidentali (raro)

In multis gravissimis Africae Occidentalis linguis (Fula, Hausa, Mandinga^[2], Wolof, et aliis), abecedarium Latinum in locis transcriptionum Arabicarum publice substitutum est ut literacy^? et educatio promoveantur.

Europa

• Lingua Albanica
• Lingua Aragonesa, lingua Lusitanica, et lingua Hispanica, cum Musulmani Paeninsulam Ibericam regerent (vide Aljamiado)
• Lingua Atropatenica in Atropatene (nunc in abecedariis Latino et Cyrillico scripta)
• Lingua Belarusica inter Tataros (vide abecedarium Arabicum Belarusicum)
• Lingua Bosniana (solum propositis litterariis; nunc in abecedario Latino scripta)
• Lingua Dacoromanica in certis Transylvaniae regionibus (usque ad saeculum septimum decimum cliens civitas Imperii Ottomannici)
• Lingua Graeca in Graecia, Anatolia, et aliis regionibus
• Lingua Mosarabica (lingua Romanica exstincta)
• Lingua Polonica inter Tataros
• Lingua Turcica

Nexus interni

Abecedarium Arabicum Meridianum ArabTeX, subsidium Arabicum pro TeX et LaTeX Calligraphia Arabica Iʿjam, punctuatio consonantium Numeri Arabici

Rasm, consonantes non punctuati Romanizatio Arabicae Tashkīl, punctuatio vocalium Unicode Arabicum