Alazea

Alazea vel Alazeia^[1] (Russice Алазея; Iacutice Алаһыай) est flumen in re publica Iacutia Foederationis Russicae. In planitie elevata Alazeica^[2] de confluentia fluminum Nelcanis et Kadylčanis oritur. Eius longitudo (cum Nelcane) 1590 chm est. Fluxu superiore circa 100 chm flumen montanum est; post in planitiem exit, et per tundram paludinosam et lacubus abundantem maeandris permultis fluit. In pelvi siccationis Alazeae sunt plus quam 24 milia lacuum. In mare Sibiricum Orientale inter Indigircam et Colymam aliquot bracchiis se effundit, quorum maxima Logaškina et Tynialkut sunt. Maxmus Alazeae tributarius Rassocha est.

Alazea

Alazea prope ad vicum Argachtach
Longitudo	1520 chm
Altitudo fontis	116 m
Decursus aquae	320 m³/s
Area systematis	74 700 chm²
Fons	Confluentia Nelcanis et Kadylčanis fluminum
Ostium	Mare Sibiricum Orientale
Regio	Iacutia

Tres vici ad Alazeam siti sunt, quorum maximum Andriuškino, Iucagirorum vicus.

A Cosacis Alazea anno 1642 inventa est; saeculo septimo decimo exeunte castellum Alazeicum ad flumen aedificatum est, nunc perditum.