Aves

Aves^[1] (-ium, f.) sunt vertebrata homoeothermica^(en) quae inter superclassem tetrapodorum^[2] referuntur et quorum proprietates maximi momenti sunt pennae, mandibulae rostratae dentibus carentes, oviparitas ovorum quorum testae^(en) sunt durae, altus gradus metabolicus, cor camerarum quattuor, et sceletus fortis sed levis plerumque ossium cavorum compositus. Aves omnes orbis terrarum continentes habitant, et magnitudine a 5.5 centimetris (Mellisuga helenae) ad 2.8 metra (Struthio camelus) variant. Circa decem milia specierum vivae exstant, quarum plus quam quinquaginta centesimae sunt passeriformes, qui ramis aliisque rebus insidere solent. Avibus sunt alae, quarum evolutio per species variat; soli greges omnino sine alis inter dinornithiformes et epyornithiformes hodie numerantur. Alae, quae se e membris anterioribus evolverunt, facultatem volandi avibus dant, sed evolutio recentior aves involatiles produxit, inter quas aves infraclassis Palaeognatharum, ordinis Sphenisciformium, et variarum specierum in certis insulis endemicarum. Avium systemata digestorium et respiratorium volatui unice accommodata sunt. Nonnullae avium species in circumiectis aquaticis, praecipue aves maritimae et aliquot aves aquatiles, ad natandum porro evolutae sunt.

Vide etiam paginam discretivam: avis (discretiva).

Variae avium species

---

Animalia — Chordata

Subphylum : Vertebrata 
Infraphylum : Gnathostomata 
Superclassis : Tetrapoda 
Eumaniraptora 
Classis : Aves 
Linnaeus, 1758

   

Palaeontologia

160–0 m.a.: Iurassicum superius > Recens

pЄ

Є

O

S

D

C

P

T

I

K

pg

n

Subdivisiones: Clades

*Subclassis †Archaeornithes*

• Subclassis †Enantiornithes
• Subclassis †Hesperornithes
• Subclassis †Ichthyornithes
• Subclassis Neornithes

Aspectus avis externus (vanelli malabarici): 1 rostrum; 2, caput; 3, iris; 4, pupilla; 5, collum; 6, tectrix inferior; 17, tibia.

Aves saepe clarissimis coloribus ornantur. Propriam classem revera non fingunt, sed solae dinosauriorum progenies sunt, qui ex fine aevi cretacei adhuc exstant.

Aves multa affinia reptilibus exhibent, ex quibus procedunt. Agnoscuntur a zoologis paene 9800 specierum avium in viginti novem ordines digestarum. Ordines in 165 familias, vicissim in 2000 generum dividuntur. Aves sane valde sunt diversae, et se accommodaverunt ad locum vel oecosystema ubi habitant.

Classificatio ordinum avium

Hic habes cladogramma coniunctionum avium secundum Braun et Kimball (2021).^[3]

Aves

Palaeognathae Neognathae Galloanserae Galliformes Anseriformes Neoaves Mirandornithes Phoenicopteriformes Podicipediformes Columbimorphae Columbiformes Mesitornithiformes Pterocliformes Passerea Otidiformes Cuculiformes Musophagiformes Gruiformes Charadriiformes Opisthocomiformes Strisores Ardeae Eurypygimorphae Phaethontiformes Eurypygiformes Aequornithes Gaviiformes[4] Austrodyptornithes Procellariiformes Sphenisciformes Ciconiiformes Suliformes Pelecaniformes Telluraves Accipitrimorphae Cathartiformes Accipitriformes Strigiformes Coraciimorphae Coliiformes Cavitaves Leptosomiformes Trogoniformes Picocoraciae Bucerotiformes Picodynastornithes Coraciiformes Piciformes Australaves Cariamiformes Eufalconimorphae Falconiformes Psittacopasserae Psittaciformes Passeriformes

Nexus interni

• Animalium soni
• Archaeopteryx
• Asio
• Augurium
• Avis involatilis
• Chiroptera
• Coenocorypha miratropica
• Deinonychosauria
• Ornithologia
• Pelagornis sandersi
• Procellaria Parkinsoni
• Sagittarius serpentarius
• Societas Avium Cohortalium et Ovorum Civitatum Foederatarum
• Tinamidae
• Wright County Egg