Cacatuidae

Cacatuidae sunt aves ordinis Psittaciformium, sola familia superfamiliae Cacatuoideorum. Cacatuidae cum Psittacoideis et Strigopoideis omnem ordinem constituunt. Familiae sunt vigint una species. Familiae plerumque est distributio Australasiana, a Philippinis et orientalibus Wallaceae insulis Indonesianis ad Novam Guineam, Insulas Salomonis, et Australiam. Nomen cacatua ortum est ex nomine Indonesiano (lingua Malaica) earum avium: kaka(k)tua (ab aut kaka 'psittacus' + tuwah aut kakak 'sibling maior' + tua 'vetus').

Probosciger aterrimus rostrum firmum et genas rubras habet. Qui, 55–60 centimetra longus et pondere 910–1200 grammata, maxima cacatuida est.^[3]

Calyptorhynchus latirostrs cum curatore in Vivario Tarongensi Sydneii Australiae.

Cacatua leadbeateri in Vivario Tarongensi Sydneii Australiae volitat.

Cacatua galerita cristam ostendit.

Duo Callocephala fimbriata in Nova Cambria Australi Australiae (mas pinnis rubris praeditus).

Eolophus roseicapilla in Australia

---

Animalia — Chordata

Subdivisio : *Probosciger

• Callocephalon
• Nymphicus
• Calyptorhynchus
• Eolophus
• Lophochroa
• Cacatua 
  Classis : Aves 
  Ordo : Psittaciformes 
  Superfamilia : Cacatuoidea 
  Familia : Cacatuidae 
  G. R. Gray 1840
  

   

Subdivisiones: Genera

{{{subdivision}}}

Synonyma

*Plyctolophinae Vigors 1825^[1]

Genus typicum

Cacatua Vieillot 1817^[2] 

Territorium

Current range of cockatoos – red
Finds of recent fossils – blue

Cacatuidae cristis speciosis et rostris curvis agnoscuntur. Earum plumis plerumque sunt colores coloribus aliorum psittacorum pallidiores, plerumque albus, canus, vel ater, saepe proprietatibus coloratis in crista, genis, vel cauda. Plerumque aliis psittaciformibus maiores sunt, sed Nymphicus hollandicus, minima cacatuidarum species, est avis parva, cuius locus phylogeneticus insolutus manet, quamquam agnoscitur unus ex primis surculis in stirpe familiae. Species reliquae in duos clados principale digeruntur. Quinque nigrae cacatuidae generis Calyptorhynchi unum ramum sunt. Ramus secundus, qui maior est, a genere Cacatua constituitur, quod undecim comprehendit species cacatuidarum albarum et quattuor genera monotypica quae mature separata sunt; videlicet Lochochroa Leadbeateri (rosea et alba), Eolophus roseicapilla (rosea et cana), Callocephalon fimbriatum (plerumque canum), et Probosciger aterrimus (magnus, plumis atris).

Cacatuidae seminibus, tuberibus, cormis, fructibus, floribus, et insectis vesci malunt. Eae saepe in magnis gregibus edunt, praecipue cum in terram descendunt ut pabulantur. Cacatuidae sunt monogamosae et nidos in cavis arboreis faciunt. Nonnullae cacatuidarum species a detrimento habitationis infeliciter affectae sunt, praecipue ob inopiam aptorum cavorum arboreum pro nidis postquam arbores magnae exstirpatae sunt; ex converso, nonnullae species se ad mutationes ab hominibus effectas et pestes agriculturae bene accommodavisse habentur.

Cacatuidae in avicultura populo sunt gratae, sed multa exigunt. Nymphicus hollandicus est species facillime mansuefacta, saepissimeque in captivitate alitur. Cacatuidae albae latiore in captivitate quam cacatuidae nigrae inveniuntur. Commercium contra leges in avibus feris captis deminutionem nonnullarum specierum ferarum aggravat.

Genera et species

Subfamilia Nymphicinae

• Genus Nymphicus
  • Nymphicus hollandicus (Kerr, 1792)

Subfamilia Calyptorhynchinae

• Genus Calyptorhynchus (5 species)
  • Subgenus Calyptorhynchus
    • Calyptorhynchus banksii (Latham, 1790) (5 subspecies)
    • Calyptorhynchus lathami (Temminck, 1807) (3 subspecies)
  • Subgenus Zanda
    • Calyptorhynchus funereus (Shaw, 1794) (2–3 subspecies)
    • Calyptorhynchus latirostris Carnaby, 1948
    • Calyptorhynchus baudinii Lear, 1832

Subfamilia Cacatuinae

• Tribus Microglossini
  • Genus Probosciger
    • Probosciger aterrimus (Gmelin, 1788) (4 subspecies)
• Tribus Cacatuini (4 genera)
  • Genus Callocephalon
    • Callocephalon fimbriatum (Grant, 1803)
  • Genus Eolophus
    • Eolophus roseicapilla (Vieillot, 1817) (3 subspecies)
  • Genus Lophochroa
    • Lophochroa leadbeateri (Vigors, 1831) (2 subspecies)
  • Genus Cacatua (11 species)|
    • Subgenus Cacatua
      • Cacatua sulphurea (Gmelin, 1788) (4 subspecies)
      • Cacatua galerita (Latham, 1790) (4 subspecies)
      • Cacatua ophthalmica Sclater, 1864
      • Cacatua alba (Müller, 1776)
      • Cacatua moluccensis (Gmelin, 1788)
    • Subgenus Licmetis
      • Cacatua tenuirostris (Kuhl, 1820)
      • Cacatua pastinator (Gould, 1841) (2 subspecies)
      • Cacatua sanguinea Gould, 1843 (4 subspecies)
      • Cacatua goffiniana Roselaar et Michels, 2004^[4]
      • Cacatua ducorpsii Pucheran, 1853
      • Cacatua haematuropygia (Müller, 1776)