Colonia Plimmuta

Colonia Plimmuta, aliquando Nova Plimmuta et Colonia Sinus Plimmutensis appellata, fuit colonicum facinus Anglicum in America Septentrionali a 1620 ad 1691 constitutum. Prima coloniae deductio ad Novam Plimmutam fuit, parvum locum a Capitaneo Ioanne Smith quondam spectatum et nominatum. Deductio, quae pro capite coloniae fuit, hodie est Plimmuta Massachusettae, oppidum huius aetatis. Colonia Plimmuta summa gloria plurimum partis meridiorientalis civitatis hodiernae Massachusettae occupavit.

Saxum Plimmutense, anno 1620 inscriptum, anno cum Peregrinatores ex Mayflower egrederuntur, litore Plimmutensi iacet.

Pactio Mayflowerensis Consignata, pictura opinabilis ab Eduardo Percy Moran circa 1900 picta.

Egressus Peregrinatorum, pictura opinabilis ab Henrico A. Bacon anno 1877 picta.

Rex Philippus. Effigies opinabilis a Paulo Revere facta. Ex editione 1772 libri The Entertaining History of King Philip's War, a Beniamino Church scripto.

Beniaminus Church, pater incursorum Civitatum Foederatarum.

Pagina titularis libri A Description of New England Ioannis Smith exploratoris, primus textus qui nomen New Plymouth ('Nova Plimmuta') ad denotandum situm coloniae futurae adhibuit (1616).

Colonia, a Separatistis, Brownistis, et Anglicanis una Peregrinatores appellatis condita, erat, cum Iacobopoli aliisque deductionibus in Virginia constitutis, una ex primis coloniis prosperis ab Anglicis in America Septentrionali condita, et prima deductio perennis Anglica aliquantulum magna in regione Nova Anglia sita. Colonia, a Squanto adiuta, indigena gentis Patuxet, foedus cum Principe Massasoit fecit, quod prosperitatam coloniae confirmare adiuvit. Incolae primas partes in Bello Regis Philippi egerunt, in uno ex primis Bellis Indicis gestis. Colonia ad ultimum cum Colonia Sinus Massachusettensium aliisque territoriis anno 1691 ad creandam Provinciam Sinus Massachusettensium commixta est, Gulielmo et Maria regnantibus.

Plimmuta, contra brevitatem historiae colonicae, eximias partes in historia Civitatum Foederatarum egit. Magna numeri incolarum Plimmutae portio, potius quam mediatores (sicut multi coloni Iacobopolis), erant fugitivi, insectationem propter religionem effugientes, locumque ubi consuetudinibus ritibusque suis venerari possent petentes.

Sociales et legitimae coloniae formulae ad fides religiosae moresque Anglicos arte conectae sunt. Multi homines eventusque ad Coloniam Plimmutam pertinentes facti sunt partes eruditionis vulgaris Americanae, memoriá Americae Septentrionalis Festi Gratiarum Actionis et monumento Saxo Plimmutensi appellato non exclusis.

Auctus coloniae

Numerus civium[1]
Tempus	Numerus civium
December 1620	99
Aprilis 1621	50
November 1621	85
Iulius 1623	180
Maia 1627	156
Ianuarius 1630	paene 300
1643	circa 2000
1691	circa 7000

Gubernatores Coloniae Plimmutae[2]
Tempora	Gubernator
1620	Ioannes Carver
1621–1632	Gulielmus Bradford
1633	Eduardus Winslow
1634	Thomas Prence
1635	Gulielmus Bradford
1636	Eduardus Winslow
1637	Gulielmus Bradford
1638	Thomas Prence
1639–1643	Gulielmus Bradford
1644	Eduardus Winslow
1645–1656	Gulielmus Bradford
1657–1672	Thomas Prence
1673–1679	Iosiah Winslow
1680–1692	Thomas Hinckley

Nexus interni

• Colonica Civitatum Foederatarum historia
• Britannica Americarum colonizatio
• Dies Gratulationis (Civitates Foederatae)
• Imperium colonicum Anglicum
• Mayflower
• Of Plimmoth Plantation