Conditum

Condītum (-i, n.) est concoctio vini cum pipere, melle, et variis herbis aromatibusque. Apud antiquos in pretio erat.

Conditi paradoxi lagoena.

Praecepta

Habemus praecepta ex variis auctoribus. Sequuntur nonnulla:

Apicius

• Conditum Paradoxum, ex vino leni, pipere, masticha, foliis (nempe malabathri laurive), croco, dactylo, fit, et carbonibus collatur.^[1]
• Conditum Melizomum, viatorium, portabile, fit ex pipere et melle quae cum viatore comportantur ut vino cuilibet ad manum addentur.^[2]

Plinius Maior

• Conditum seu piperatum, ex nardo, malobathro, pipere, melle.^[3]

Aëtius Amidenus

• Conditum cholicis, ex pipere, scammonia, apii semine, vino, melle.^[4]
• Conditum phlegmaticis, ex ervilia, pipere, aniso, apii semine, vino, melle.^[5]
• Conditum melancholicis, ex polypodio, pipere, apii semine, vino, melle.^[6]

Oribasius

• Conditum primum lapidibus in vesica, ex melle, vino, pipere, saxifraga, nardostachyo, carpesio, zingiberi, mēo, asaro, casia, sinone, petroselino, acoro, gentiana.^[7]
• Conditum simpex ex vino, melle, pipere tantum.^[8]

Hierophilus sophista

• Conditum ex glycoposia, ex pepere, cinamono, stachye (an nardostachye?), gariofilio.^[9]

Herbarius

Herbarius est liber botanicus Apuleio attributus, haud verisimiliter.

• Conditum Priapisci: ex priapisco, pipere, melle, vino optimo.^[10]