Crustulum

Crustulum^[1] est dulce et parvum crustum seu placenta. Varios gradus duritiae habere possunt et plerumque plana sunt. Hodie commune constat ex farina, saccharo, atque oleo vel butyro, et saepe socolata, fructus passi, nuces adduntur.

Pyxis variorum crustulorum

Horatius in Sermonibus suis scripsit crustula fuisse incitamentum disciplinae puerorum:

praeterea, ne sic ut qui iocularia ridens
percurram—quamquam ridentem dicere verum
quid vetat? ut pueris olim dant crustula blandi
doctores, elementa velint ut discere prima^[2]