Subcontinens

Subcontinens est magna terra emersa plus minusve integra in se, quae partem continentis constituit. In dictionariis, nomen 'certam libertatem geographicam vel politicam a residuo continentis habens'^[1][2] et 'vasta continentis pars plus minusve integra in se'^[3][4] significare potest.

Tabula geographica subcontinentis Indici.

Anglice (et fortasse similiter in aliis linguis), locutio the subcontinent usitate ad subcontinentem Indicum spectat,^[5][6] qui generaliter civitates Indiam, Pakistaniam, Bangladesham, Nepaliam, Bhutaniam, Taprobanem comprehendere dicitur. Regio plerumque ex ingente Asiae paeninsula ad meridiem Himalayae patente constat, quae distinctam culturarum regionem intra Asiam constituit. Ea deserta, planities, silvas pluviales, montes altissimos, et permultas linguas, phylas, religiones complectitur.