India

From Wikipedia, the free encyclopedia

India
Remove ads

India (-ae, f.; Hindi भारत Bhārata), seu plenius Res Publica India (भारत गणराज्य Bhārata Gaṇarājya),[1] est civitas sui iuris in Asia Meridiana sita, septima mundi civitas quod ad superficiem pertinet, ad numerum civium ex Iunio anni 2023 prima,[2][3] et ex anno 1947, tempore suae libertatis constitutae, frequentissima orbis terrarum democratia.[4][5][6]

Quick facts
Thumb
Tabula Indiae.

India, definita ab Oceano Indico in meridie, Mari Arabico in occidente, et Sinu Bengaliensi in oriente, litus 7517 chiliometrorum longum habet.[7] Attingit Pakistaniam in occidente[8]; Sinas (provinciam Tibeticam), Nepaliam, et Butaniam in septentrionibus; et Bangladesham et Birmaniam in oriente. India est prope Sri Lancam, Insulas Maldivas, et Indonesiam in Oceano Indico.

Terra Civilizationis Vallis Indi et antiqua viarum mercatoriarum et vastorum imperiorum regio, subcontinens Indica diutissime agnitus est pro divitiis commercii et culturae suorum (Oldenburg 2007). Quattuor maiores orbis terrarum religiones—Hinduismus, Buddhismus, Iainismus, et Sikhismus—in India ortae sunt, cum Zoroastrianismus, Iudaismus, Christianitas, et Islam primo millennio advenirent et culturam regionis commutarent. Paulatim a Societate Britannica Indiae Orientalis adiuncta a saeculo duodevicensimo ineunte et colonizata a Regno Britanniarum a medio saeculo undevicensimo India facta est civitas libera anno 1947 post certamen pro libertate, quod a longe lateque diffusa recusatione non violenta designatum est.

India ex 1950 est respublica foederalis, quae in viginti octo civitatibus et septem territoriis sub parlamentaria democratiae systemate consistit. Maximarum mundi oeconomiarum eius oeconomia est duodecima rationibus permutationibus mercatoriis(en) et quarta potestate potentia emptionis(en). Oeconomicis post 1991 correctionibus effectum est, ut una ex eis, quae quam celerrime creverunt, mundi civitatibus exstitisset. Adhuc autem restant extrema paupertas,[9] legendi scribendique imperitia, fames. Etiam religionum, linguarum, gentium multitudo societatis Indicae est. Terram habitant multae ferae in variis reservatis tutelaribus.

Remove ads

Nomina

Nomen India de Indo Flumine deducitur, quod de verbo Lingua Persica Antiqua Hindu deducitur, ex verbo Sanscritico सिन्धु Sindhu, antiqua Indi fluminis appellatione.[10] A Graecis antiquis incolae Indoe (Ινδοί) appellabantur, ut qui diceret "populus Indi fluminis",[11] unde Latine "Indi". Constitutio Indiae et usitati in variis subcontinentis linguis mores agnoscunt Bharat (/ˈbʱɑːrʌt̪/) quoque ut publicum statús aequalis nomen.[12] Bharat de nomine fictici Bharatae regis in mythologia Indica deducitur. Nomen hodiernum Hindustania(en), priscum vocabulum Persicum pro 'Terra Indorum', solum ad Indiam Septentrionalem(en) recte attinens, aliquando synonymum pro omni India adhibetur.[13]

Remove ads

Historia antiqua

Abhinc annorum 55 000 fere, homines sapientes, primi homines hodierni, in subcontinentem Indicam ex Africa adveniebant, ubi se antea evolverant.[14][15][16] Prima hominum hodiernorum reliquia nota in Asia Meridiana ex aevo abhinc annorum 30 000 fere exstant.[17] Post annum 6500 a.C.n. fere, indicia frugum animaliumque domitorum, structurarum perpetuarum aedificatarum, et residuorum agriculturalium reconditorum in Mehrgarh aliisque locis in regione nunc Balochistania appellata apparere incipiebant.[18] Quae cultura in Civilizationem Vallis Indicae gradatim mutata est,[19][20] primam culturam urbanam in Asia Meridiana,[21] quae ab anno 2500 ad annum 1900 a.C.n. floruit in regione nunc Pakistania et India occidentali appellata.[22] Quae civilizatio, in Mohenjo-daro, Harappa, Dholavira, Kalibangan, aliisque urbibus condita, atque variis subsistentiae generibus innitens, fabricam artificiorum et commercium porrectum vehementer suscepit.[23]

Antiquissima religionum mundi a multis habetur Religio Induica, quae in India ab anno 3000 a.C.n. vel multis annis ante orta est. In India etiam sexto saeculo a.C.n. duae notissimae religiones conditae sunt, videlicet Buddhismus et Iainismus. Huic nonnulli obsequuntur, sed ille nunc in India desuetus est. Post octavum saeculum, multi homines Indici, praecipue in India septentrionali, religionem Islamicam acceperunt, quia nationes Islamicae ex terris Occidentalibus oppugnantes multum subcontinentis vicerunt.

India 193 annos fuit colonia Britanniarum Regni, ab 1754 (Bellum Plasseyense) ad mensem Augusti 1947; quo tempore Unio Indiae et civitas Pakistania creatae sunt e priori territorio Indico. Anno 1950, India res publica rite facta est.

Remove ads

Legifer?

Corpus legiferum Indiae est Parlamentum, quod duo cameras habet: Concilium Civitatum et Cameram Populi. Parlamentum singulis quinque annis eligitur.

Concilium Civitatum consiliarii in 250 sociis constitit, a legiferi civitatibus eliguntur. Concilium Civitatum camera superior est et potentiam habet rogationes e camera inferiori reiicere.

Camera inferior Camera Populi est, cuius membra a populo Indiae eliguntur a suffragiorum pluralitate. Camera Populi quoque quattuor membra Indi Angliae habet, numerum membrorum 545 significat. Primus minister a Camera Populi est.?

More information Genticum animal, Gentica avis ...

Partes administrativae

Remove ads

Flumina

Urbes maiores

Conferatur pagina principalis: Index urbium Indiae.

Homines notissimi

Regentes
Alii

Pinacotheca

Remove ads

Nexus interni

Notae

Bibliographia

Nexus externi

Loading related searches...

Wikiwand - on

Seamless Wikipedia browsing. On steroids.

Remove ads
Remove ads