Gaston Diderich

De Gaston Diderich, gebuer den 18. Juni 1884 an der Stad Lëtzebuerg, an och do gestuerwen den 29. Abrëll 1946, war e lëtzebuergesche Jurist a radikal-liberale Politiker.

Dësen Artikel beschäftegt sech mat dem Politiker Gaston Diderich. Fir de Jurist a fréiere Sportler Gaston Diederich (mat laangem "ie"), kuckt wgl. Gaston Diederich.

Gaston Diderich
Gebuer	18. Juni 1884 Lëtzebuerg
Gestuerwen	29. Abrëll 1946 Lëtzebuerg
Nationalitéit	Lëtzebuerg
Educatioun	Athénée de Luxembourg
Aktivitéit	Politiker
Partei	Liberal Liga, Radikal-Liberal Partei
Fonctioun	Buergermeeschter vu Lëtzebuerg, Deputéierte vun der lëtzebuergescher Chamber
Gielercher	Commandeur vum Ordre de la Couronne de chêne, Commandeur vum Ordre de Léopold, Commandeur vun der Légion d'honneur

Liewen

1919 war hie Member vum republikanische Comité du Salut Public.

Hie war vun 1918 bis 1940 an 1945 (Verlängerung vum Mandat) Deputéierten an der Chamber, gouf duerno Member vun der Assemblée consultative genannt, a war vun 1945 bis 1946 erëm als Deputéierten an der Chamber.^[1]

Vun 1921 bis 1940 a vun 1944 bis 1946 war hie Buergermeeschter vun der Stad Lëtzebuerg.

1924 war e Matgrënner vun der radikal-liberaler Partei.

Bei der Debatt ëm dat sougenannt Maulkuerfgesetz war hien de Porte-parole vun der radikal-liberaler Regierungspartei.

Gielercher[2]

• Commandeur vum Ordre de la couronne de chêne

• Grand officier vum Ordre d'Orange-Nassau

• Commandeur vum Ordre de Léopold

• Grand officier vum Ordre de la Couronne (Promotioun 1930)^[3]

• Commandeur vun der Légion d'honneur

No him benannt

Fir un de Gaston Diderich z'erënneren, sinn no him benannt:

• eng Strooss um Belair an der Stad Lëtzebuerg: d'Avenue Gaston-Diderich (PLZ 1420). Se verleeft tëscht dem Boulevard Grande-Duchesse Charlotte an der Rue des Aubépines.
• e Foussballsterrain am Pafendall, de Stade Gaston Diderich an der Rue Laurent-Menager, wou den FC Red-Black-Egalité doheem ass.

Bibliographie

• Jean-Marie Majerus 2003: Gaston DIDERICH 1884-1946. In: 400 Joer Kolléisch, Band II, S. 343-346. éditions saint paul, Lëtzebuerg. ISBN 2-87963-419-9.

Um Spaweck

• Offiziell Säit vun der Stad Lëtzebuerg

Referenzen

1. Als, Nicolas, Philippart, Robert: La Chambre des Députés, Histoire et Lieux de Travail, Chambre des Députés du Grand-Duché de Luxembourg, 1994, Ss. 512-513
2. Doudesannonce vum Gaston Diderich am Escher Tageblatt vum 30. Abrëll 1946
3. (de) Aus der Haupstadt. Obermosel Zeitung. eluxemburgensia.lu (8. Juli 1930). Gekuckt den 03.08.2023.

Virgänger: Luc Housse

Buergermeeschter vun der Stad Lëtzebuerg 1921 - 1940 1944 - 1946

Nofollger: Émile Hamilius