Beggen

Beggen ass eng lëtzebuergesch Uertschaft an den nërdlechste vun de 24 offizielle Quartiere vun der Stad Lëtzebuerg.

Beggen
Kräizung rue Cyprien Merjai / rue Jean-Baptiste Nothomb, a Richtung Süde gekuckt
Aussprooch
An anere Sproochen	fr: Beggen de: Beggen
Land	Lëtzebuerg
Kanton	Lëtzebuerg
Buergermeeschter	Lydie Polfer (DP)
Awunner	3.906
	31. Dezember 2024
Fläch	170,91 ha
Héicht	302 m
Koordinaten	49° 38’ 37’’ N       06° 07’ 45’’ O

Geographie

Beggen grenzt un d'Quartiere Millebaach am Westen, Eech am Süden, Dummeldeng am Osten an am Norden un d'Gemeng Walfer. Duerch Beggen leeft d'Uelzecht.

De Quartier huet eng Fläch vun 170,91 Hektar a läit op enger Héicht tëscht 232,10 an 302,00 m^[1].

Geschicht

Beggen huet zur fréierer Gemeng Eech gehéiert, ier déi 1920 mat der Stad Lëtzebuerg fusionéiert huet^[2].

Beggen war ursprénglech e klengt, aarmt Duerf am Norde vun der Festung Lëtzebuerg. Am Joer 1611 goufe siwe Stéit do ernimmt. 1635, wärend dem Drëssegjärege Krich, stoungen zéng Haiser zu Beggen, vun deenen der am Joer 1657 just nach fënnef bewunnt waren. Bei der Vollekszielung 1851 hat Beggen 150 Awunner.

Mat der Industrialiséierung an dem Besoin fir Aarbechter ass d'Bevëlkerung séier gewuess^[3].

Awunner

Op den 31. Dezember 2024 hunn zu Beggen 3.906 Leit gewunnt, wouvun 32,10 % Lëtzebuerger waren, géintiwwer 67,90 % Auslänner^[4].

Nationalitéiten zu Beggen (31. Dezember 2024)

Rang	Nationalitéit	Awunner	Prozent
	TOTAL	3 906	100,00
01	Lëtzebuerg	1 254	32,10
02	Frankräich	461	11,80
03	Portugal	402	10,29
04	Italien	200	5,12
05	Russland	152	3,89
06	Indien	136	3,48
07	Rumänien	119	3,05
8	Belsch	111	2,84
09	Däitschland	99	2,53
10	Griicheland	83	2,12
	Top 10	3 017	77,24
	Aner Nationalitéiten	889	22,76

Kuckt och

• Kierch Lëtzebuerg-Beggen
• Beggener Scouten
• Beggener Schlass
• Avenir Beggen
• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Literatur

• Théato, Fernand, 2006. Do hannen zu Beggen an: Kräiz a quier duerch d'Stad an d'Gemeng Lëtzebuerg, S. 12-15. Pafendall: Chorale Sang & Klang

Um Spaweck

Commons: Beggen – Biller, Videoen oder Audiodateien

• Websäit vum Aikido Club Beggen

Referenzen an Notten

1. (fr) Les quartiers. maps.vdl.lu. Gekuckt den 28.05.2023.
2. Loi du 30 juin 1920 concernant la réunion de la commune d'Eich à la ville de Luxembourg. - Legilux. legilux.public.lu. Gekuckt den 11.05.2021.
3. (de) Beggen | Ville de Luxembourg. www.vdl.lu. Gekuckt de 04.06.2023.
4. Stad Lëtzebuerg, La ville en chiffres - État de la population au 31.12.2024.