Chamberwale vum 13. Juni 1999

Bei de Chamberwale vum 13. Juni 1999 zu Lëtzebuerg goufe 60 Deputéiert fir e Mandat vu 5 Joer an d'nationaalt Parlament, d'Chamber, gewielt.

D'Chamberwale waren de selwechten Dag wéi och d'Wale fir d'Europäescht Parlament.

Resultater

Resultater vun de Chamberwale vum 13. Juni 1999

Partei		%	Sëtz	Differenz
	Chrëschtlech-Sozial Vollekspartei	30,1	19	-2
	Demokratesch Partei	22,4	15	+3
	Lëtzebuerger Sozialistesch Aarbechterpartei	22,3	13	-4
	Aktiounskomitee fir Demokratie a Rentegerechtegkeet	11,3	7	+2
	Déi Gréng	9,1	5	+-0
	Déi Lénk	3,3	1	+1
	Gréng a Liberal Allianz	1,1	0	-
	De Steierzueler	0,4	0	-
	Partei vum Drëtten Alter	0,1	0	-

D'CSV an d'LSAP, déi bis dohin an der Regierung waren, hunn 2, respektiv 4 Sëtz verluer. D'DP konnt der 3 bäigewannen, an d'ADR der 2. Och Déi Lénk kruten 1 Sëtz. D'Gréng a Liberal Allianz, De Steierzueler an d'Partei vum Drëtten Alter, déi fir d'éischt kandidéiert haten, kruten net genuch Stëmme fir e Sëtz.

Op Grond vum Walresultat koum et bei der Regierungsbildung zu enger anerer Koalitioun wéi déi an den dräi Legislaturperiode virdrun: De Jean-Claude Juncker gouf de 7. August zum Regierungschef vun enger CSV-DP Regierung vereedegt, der Regierung Juncker-Polfer.

Gewielt Deputéiert

D'Chamber huet sech aus follgenden Deputéiert zesummegesat:^[1]

• Jean Asselborn
• François Bausch
• Simone Beissel
• Jeannot Belling
• (Eugène Berger)*
• Xavier Bettel
• Niki Bettendorf
• (François Biltgen)*
• (Fernand Boden)*
• Alex Bodry
• Willy Bourg; gëtt no sengem Doud, den 21. Februar 2003, den 11. Mäerz vum Marcel Sauber ersat
• (Anne Brasseur)*
• Emile Calmes
• Lucien Clement
• Jean Colombera
• Mady Delvaux-Stehres
• Mars Di Bartolomeo
• Agny Durdu
• Lydie Err
• Ben Fayot
• (Marc Fischbach)*
• (Luc Frieden)*
• Robert Garcia; gëtt no sengem Récktrëtt, den 21. Oktober 2003, vun der Dagmar Reuter-Angelsberg ersat
• Gast Gibéryen
• Camille Gira
• Marcel Glesener
• (Charles Goerens)*
• Gusty Graas
• Fernand Greisen
• (Henri Grethen)*
• Jean-Marie Halsdorf
• Norbert Haupert
• Paul Helminger
• Jacques-Yves Henckes
• (Erna Hennicot-Schoepges)*
• André Hoffmann; gëtt no sengem Récktrëtt, de 4. Juli 2000 vum Aloyse Bisdorff ersat; dëse gëtt, no sengem Récktrëtt, den 2. Juli 2002 vum Serge Urbany ersat
• Jean Huss
• (Marie-Josée Jacobs)*
• Aly Jaerling
• (Jean-Claude Juncker)*
• Ady Jung; gëtt no senger Nominatioun an de Staatsrot, den 3. Juni 2003 vun der Nancy Arendt ersat
• Jean-Pierre Klein
• Jean-Pierre Koepp
• Jeannot Krecké
• Alexandre Krieps
• Nico Loes
• Astrid Lulling; gëtt, nodeem s'op hiert Mandat verzicht huet, fir Member vum Europäesche Parlament ze ginn, den 12. Oktober 1999 vum Patrick Santerersat
• Lucien Lux
• Robert Mehlen
• Claude Meisch
• Paul-Henri Meyers
• Marie-Josée Meyers-Frank
• Laurent Mosar
• Lydia Mutsch
• Maggy Nagel
• (Lydie Polfer)*
• Jean-Paul Rippinger
• (Joseph Schaack)*
• Marco Schank
• Jos Scheuer
• Marco Schroell
• John Schummer
• Jean Spautz
• Nelly Stein
• Théo Stendebach
• Nicolas Strotz
• Fred Sunnen
• Alphonse Theis; gëtt no sengem Doud, de 17. November 1999, den 30. November vun der Ferny Nicklaus-Faber ersat
• Renée Wagener
• (Carlo Wagner)*
• Lucien Weiler
• Claude Wiseler
• Georges Wohlfart
• (Michel Wolter)*
• Marc Zanussi

*) Goufen direkt gewielt, ma hunn de 7. August 1999 op hiert Amt verzicht fir Member vun der Regierung ze ginn.

Literatur

• Steve Bissen: "Die Liberalen auf der Überholspur." wort.lu, 30.08.2018.

Referenzen

1. "La composition de la Chambre des Députés depuis 1944." In: Compte-rendu des travaux de la Chambre des Députés du Grand-Duché de Luxembourg. Session ordinaire 2003-2004 (du 14 octobre 2003 au 5 juin 2004), édité par le Greffe de la Chambre des Députés, Luxembourg 2006, S.64.