Chamberwale vum 13. Juni 2004

Bei de Chamberwale vum 13. Juni 2004 zu Lëtzebuerg goufe 60 Deputéiert fir e Mandat vu 5 Joer an d'nationaalt Parlament, d'Chamber, gewielt.

Dobäi blouf den Haaptkoalitiounspartner vun der vireger Regierung, d'CSV, déi stäerkst Partei, si krut souguer 5 Sëtz méi. Zweetstäerkst Partei gouf d'LSAP, déi an der Oppositioun war. Wéi och Déi Gréng hu si liicht gewonnen. De Regierungspartner vun der vireger Regierung, d'DP, huet dogéint 5 Sëtz missen abéissen.

Et koum dofir zu engem Wiessel vun der CSV hirem Koalitiounspartner an der Regierung: Amplaz vun der DP war et d'LSAP.

 Méi Informatioun doriwwer am Artikel: Regierung Juncker-Asselborn I.

D'Chamberwale waren de selwechten Dag wéi d'Wale fir d'Europäescht Parlament.

Resultater

Resultater vun de Chamberwale vum 13. Juni 2004

Partei		%	Sëtz
	Chrëschtlech-Sozial Vollekspartei	36,1	24
	Lëtzebuerger Sozialistesch Aarbechterpartei	23,4	14
	Demokratesch Partei	16,1	10
	Déi Gréng	11,6	7
	Aktiounskomitee fir Demokratie a Rentegerechtegkeet	9,9	5
	Déi Lénk	1,9	0
	Kommunistesch Partei Lëtzebuerg	0,9	0
	Fräi Partei Lëtzebuerg	0,1	0

Gewielten Deputéiert

Direkt an d'Chamber gewielt goufen (respektiv nogeréckelt fir déi déi Minister goufe sinn:^[1]

CSV

• (François Biltgen)*
• (Fernand Boden)*
• (Luc Frieden)*
• (Jean-Marie Halsdorf)*
• (Marie-Josée Jacobs)*
• (Jean-Claude Juncker)*
• (Octavie Modert)*
• Jean-Louis Schiltz)*
• (Claude Wiseler)*
• Sylvie Andrich-Duval
• Nancy Arendt
• Lucien Clement
• Christine Doerner
• Marie-Josée Frank
• Marie-Thérèse Gantenbein-Koullen (gëtt den 10. Februar 2009 ersat duerch d'Fabienne Gaul)
• Marcel Glesener
• Norbert Haupert
• Françoise Hetto-Gaasch
• Ali Kaes
• François Maroldt (gëtt de 24. Abrëll 2007 ersat duerch de Gilles Roth)
• Paul-Henri Meyers
• Laurent Mosar
• Marcel Oberweis
• Patrick Santer (gëtt den 10. Februar 2009 ersat duerch de Raymond Weydert
• Marcel Sauber
• Jean-Paul Schaaf
• Marco Schank
• Marc Spautz
• Fred Sunnen
• Martine Stein-Mergen
• Lucien Thiel
• Lucien Weiler
• Michel Wolter

LSAP

• (Jean Asselborn)*
• (Mars Di Bartolomeo)*
• (Mady Delvaux-Stehres)*
• (Jeannot Krecké)*
• (Lucien Lux)*
• Marc Angel
• Alex Bodry
• John Castegnaro
• Claudia Dall'Agnol
• Fernand Diederich
• Lydie Err
• Ben Fayot
• Jean-Pierre Klein
• Lydia Mutsch
• Roger Negri
• Jos Scheuer
• Vera Spautz
• Romain Schneider
• Roland Schreiner

DP

• Xavier Bettel
• Niki Bettendorf (gëtt den 10. Oktober 2006 duerch den Alexandre Krieps ersat)
• Anne Brasseur
• Emile Calmes (gëtt den 19. Dezember 2007 ersat duerch de Fernand Etgen)
• Colette Flesch
• Henri Grethen (gëtt den 19. Dezember 2007 ersat duerch den Eugène Berger)
• Paul Helminger
• Claude Meisch
• Carlo Wagner

Déi Gréng

• Claude Adam
• Félix Braz
• François Bausch
• Camille Gira
• Jean Huss
• Henri Kox
• Viviane Loschetter

ADR

• Gast Gibéryen
• Jacques-Yves Henckes
• Aly Jaerling (verléisst den 1. Mee 2006 d'ADR a gëtt onofhängegen Deputéierten)
• Jean-Pierre Koepp
• Robert Mehlen

Explikatiounen:

0*): Verzicht op d'Deputéiertemandat, fir Minister ze ginn.

Referenzen

1. Chambre des Députés du Grand-Duché de Luxembourg: Rapport d'activité de la session parlementaire 2006/2007, 2007/2008, 2008/2009.