Roger Negri

De Roger Negri, gebuer de 7. Februar 1954 zu Beetebuerg, ass e lëtzebuergesche Politiker a pensionéierten Eisebunner. Hien ass bestuet, Papp vun zwee Kanner a wunnt zu Mamer.

Roger Negri
Gebuer	7. Februar 1954 Beetebuerg
Nationalitéit	Lëtzebuerg
Aktivitéit	Politiker, Eisebunner
Partei	LSAP
Fonctioun	Deputéierten an der Lëtzebuerger Chamber, President

Zanter 1996 ass hie Member vun der LSAP.

Hien ass éischte Schäffen an der Gemeng Mamer a war zanter dem 3. August 2004 Deputéierten an der Chamber. Hie war och President vum Benelux-Parlament. Op den 1. Abrëll 2018 huet hie säi Chambersmandat néiergeluecht; d'Simone Asselborn-Bintz ass fir hien nogeréckelt.^[1]

De Roger Negri ass President vun der Fédération luxembourgeoise de gymnastique.

Um Spaweck

Commons: Roger Negri – Biller, Videoen oder Audiodateien

Referenzen

1. "François Bausch a Sam Tanson sinn d'Spëtzekandidaten." rtl.lu, 23.03.2018, 07:03:29.