Hubert Curien

Den Hubert Curien, gebuer den 30. Oktober 1924 zu Cornimont, a gestuerwen de 6. Februar 2005 zu Loury bei Paräis, war e franséische Fuerschungsminister a Kristallograph.

Hubert Curien
Gebuer	30. Oktober 1924 Cornimont
Gestuerwen	6. Februar 2005 Loury
Nationalitéit	Frankräich
Educatioun	École normale supérieure
Aktivitéit	Physiker, Kristallograph
Fonctioun	Generaldirekter, President, President vun der Académie des sciences
Member vun	Académie des sciences, Academia Europaea, Académie de l'Air et de l'Espace
Gielercher	Grand officier de la Légion d'honneur‎, Commandeur de l'ordre national du Mérite, Militärmedail
Famill
Bestuet mat	Perrine Dumézil-Curien
Geschwëster	Gilles Curien
Kanner	Pierre-Louis Curien, Christophe Curien

Vun 1969 bis 1973 war hie Generaldirekter vum nationale Fuerschungszentrum CNRS.

vun 1976 bis 1984 war de Curien President vum Nationalen Zentrum fir Weltraumfuerschung (CNES) an hat d'Verantwortung fir déi franséisch Weltraumpolitik. Hie forcéiert d'Entwécklung vun der Ariane-Rakéit, wouduerch hien och als Papp vun der Ariane bezeechent gëtt.

Hie war Fuerschungsminister vun 1984 bis 1986 a vun 1988 bis 1993. Hie war ausserdeem och President vum Forum Engelberg, eng wichteg international Konferenzplattform fir d'Zesummenaarbecht vu Wirtschaft, Wëssenschaft a Politik.

Éierungen

• Dat 1968 nei entdeckte Mineral Curienit gouf no him genannt.
• Him zu Éieren, als ee vun de Grënner vun der europäescher Raumfaart, krut de 14. Mäerz 2007, d'Plaz op där d'Sond Huygens um Saturnmound Titan ofgesat gouf, den Numm Hubert-Curien-Gedenkplaz.

Um Spaweck

• Raumfahrer.net: Landeplatz von Huygens nach Hubert Curien benannt