Ollem

Ollem ass eng Uertschaft an der Gemeng Kielen, am Weste vun Stad Lëtzebuerg.

Ollem
D'Capellenerstrooss (2014).
Aussprooch
An anere Sproochen	fr: Olm de: Olm
Land	Lëtzebuerg
Kanton	Capellen
Gemeng	Kielen
Buergermeeschter	Félix Eischen (CSV)
Awunner	1.442
	1. Januar 2023
Héicht	312 m
Koordinaten	49° 39’ 26’’ N       05° 59’ 58’’ O

Geographie

Déi héchst Plaz vun Ollem ass beim Kräizwee-Ollem op 323 Meter, déi nidderegst Plaz ass op dem CR103 an der ëstlecher Entrée vun Ollem, op 303 Meter iwwer dem Mieresspigel.

Ollem ass ënnerdeelt an den alen Duerfkär vun Ollem, ronderëm den CR103, an d'Cité „Huesekneppchen“, eng nei gebaute Siidlung. Duerch déi Siidlung ass Ollem haut déi zweetgréisst Sektioun an der Gemeng.

Duerch Ollem féieren 3 Chemin repris:

• Den CR103A stéisst am alen Duerfkär vun Ollem op den CR103.
• Bei der Cité „Huesekneppchen“ kräize sech den CR103 an den CR109 um Lieu-dit Kräizwee-Ollem.

Duerch d'Duerf fléisst d'Olmerbaach, déi ëstlech vum Duerf an d'Kielbaach fléisst.

Geschicht

1528 goufen zu Ollem, an engem éischte schrëftlechen Dokument, 6 Feiere gezielt fir d'Steieren ze berechnen.

An den 1990er Jore gouf um Lieu-dit „Hueseknäppchen“ eng Cité gebaut, déi 500 Wunnunitéiten ëmfaasst an zu Ollem gehéiert. E weidere klengen Deel vun dëser Cité gehéiert zu der Gemeng Mamer; d′Gemengegrenz leeft duerch d'Cité.

Vun 2020 entsteet bei Ollem en neie Wunnquartier fir ronn 2000 Leit, Elmen genannt.

Kuckeswäertes

Zu Ollem steet eng Kapell mat Klackentuerm am Kär vum Duerf.

Kuckt och

• Gemeng Kielen
• Kapell Ollem
• Kräizwee-Ollem

Um Spaweck

Commons: Ollem – Biller, Videoen oder Audiodateien