Perl
däitsch Uertschaft a Gemeng am Landkrees Merzig-Wadern From Wikipedia, the free encyclopedia
Remove ads
Perl (lb: Pärel, lokal och Pierel) ass eng däitsch Uertschaft a Gemeng bei der Musel am Landkrees Merzig-Wadern am Saarland. Bei de Lëtzebuerger ass Perl haaptsächlech bekannt duerch hir grouss verschiddenaarteg Akafszentren.
D'Gemeng huet iwwer 8.000 Awunner.
Remove ads
Geographie
Perl läit am Dräilännereck Däitschland-Frankräich-Lëtzebuerg riets vun der Uewermusel an zitt sech wäit op de Muselgau erop. Op der anerer Muselsäit läit Lëtzebuerg mat den Uertschaften Schengen a Réimech. D'Gemeng Perl gëtt am Westen (Gemarkunge Besch, Nenning a Perl) vun der Musel begrenzt, déi hei d'Grenz zu Lëtzebuerg formt. Well d'Musel hei op enger Längt vu ronn zéng Kilometer de saarlänneschen Deel vum däitsch-lëtzebuergeschem Hoheitsgebitt formt, dat net zu der Gemeng gehéiert, grenzt Perl strenggeholl un dëst Gebitt an doduerch net direkt un de lénksrhäinesch geleeëne lëtzebuergesche Kanton Réimech. Am Süde stéisst d'Gemeng un Frankräich (Loutrengen) mat den Uertschaften Apach, Belmach a Merschweiller, am Norden un Rheinland-Pfalz. Den ëstleche Noper ass d'Gemeng Mettlach. Den héchste Punkt vun der Gemeng ass deen un der franséischer Grenz geleeëne „Schneeberg“ zu Eft (429 m iwwer NN).
Remove ads
Gemengeglidderung
D'Gemeng Perl ass a 14 Uertschaften opgedeelt, déi zu 11 Gemengebezierker gehéieren. Awunnerzuele Stand 31. Dezember 2010:[1]
Oberleuken, Keßlingen a Münzingen souwéi Tettingen-Butzdorf a Wochern si jee e kollektive Gemengebezierk, déi iwwereg Gemengebezierker si mat den Uertschaften identesch.
Remove ads
Geschicht
Siidlungsspueren aus der Mëttelstengzäit fënnt een zu Perl an Ëmgéigend geneesou wéi Graffelder aus der Bronze- an Eisenzäit. Keltesch Uertsnimm an réimesch Bauwierker beleeën d'Attraktivitéit vun der Standplaz zu allen Zäiten. Déi réimesch Villa zu Nennig staamt aus dem 4. Joerhonnert a gouf wuel bei der Normanneschluecht 882 zerstéiert. Mëttelalterlech Buergen a Kierche si weider Zeie vun enger beweegter Vergaangenheet. Déi eelst schrëftlech Nennunge stamen aus dem 9. Joerhonnert. D'Gebitt hat zu Tréier, Lëtzebuerg, Loutrengen, Frankräich an zum Räich vun den Habsburger gehéiert. Nom Wiener Kongress gouf Perl preisesch, eréischt vun 1946 un gouf et saarlännesch. Am Zuch vun der Gebittsreform am Ufank vun den 1970er gouf, aus de 14 bis dohi selbstännege Gemengen, d'Groussgemeng Perl.
Kuckeswäertes an der Ëmgéigend
- Réimesche Mosaik vun Nennig
- Rekonstruéiert Réimesch Villa Borg
- Museldall
- Palais vun Nell a Park vun Nell
- Krichsgriewerplaz Besch
Kuckt och
- Viaduc vu Schengen
- Lëscht vu Baudmonumenter zu Perl
Um Spaweck
 |
Commons: Perl (Mosel) – Biller, Videoen oder Audiodateien |
- Literatur iwwer Perl an der Saarlännescher Bibliographie
- Offizielle Homepage vun der Gemeng Perl
Referenzen
Wikiwand - on
Seamless Wikipedia browsing. On steroids.
Remove ads