Radio Diddeleng

Radio Diddeleng ass e lokale Radiosender zu Lëtzebuerg, dee vun Diddeleng aus sent a vun der A.s.b.l. Radio Diddeléng^[sic][1] bedriwwe gëtt.

Radio Diddeleng
Radio Locale de la Ville de Dudelange
Allgemeng Informatiounen
Typ	Lokalradio
Land	Lëtzebuerg
Sëtz	Diddeleng
Slogan	Äre Radio · A sua Rádio · votre radio
Sprooch	Lëtzebuergesch, Portugisesch
Geschicht
Ufanksdatum	1992
Gestioun
Besëtzer	Radio Diddeléng
Empfang
Frequenz	103,6 MHz
Streaming	https://mixlr.com/users/3499353/embed?color=85e92f&autoplay=false
Homepage	https://www.radiodiddeleng.lu

Historique

Radio Diddeléng asbl ass 1992 vun e puer idealistesche Privatleit gegrënnt ginn déi voller Enthusiasmus ware fir Radio ze maachen.^[2]

Vun der éischter Stonn u sinn d'Emissiounen aus dem Studio, deen an engem Privathaus an der Bannenterstrooss installéiert war, 24/24 Stonnen op der Frequenz 103,9 iwwerdroe ginn.

1994 huet de Radio seng Dieren an den ale Pompjeeslokalen hanner der Gemeng opgemaach. á

1996 ass d'Frequenz vu Radio Diddeleng offiziell op 103,6 geännert ginn.

Zanterhier gëtt et Emissioune vun Animateure vu verschiddenen Altersklassen, wéi "Happy Hour", "Show-Time", "On Air", wourënner och lokalhistoresch Emissioune wéi déi vum Jos Weirich iwwer Die Kriegsjahre 1940-1945 an déi vum Nic Daubenfeld mat Düdelinger Allerlei sinn.

Radio Diddeleng sent och Emissioune vun der portugisescher Communautéit vun Diddeleng.

2007-2009 goufe mat Ënnerstëtzung vun der Diddelenger Gemeng an dem Syndicat d'Initiative d'Studioen an déi ganz Technik vum Radio moderniséiert.

Ekipp

D'Ekipp besteet ausschliisslech aus fräiwëllege Mataarbechter. Déi villfälteg Funktiounen déi am Radio z'erfëlle sinn erlabe jiddwerengem seng Kompetenzen a Motivatiounen anzebréngen.

Kuckt och

• Lëscht vun de Radiosenderen zu Lëtzebuerg

Referenzen

1. Radio Locale de la Ville de Dudelange, Radio Diddeléng, RD (LBR F3656)
2. Source vum Historique op radiodiddeleng.lu