Solar Maximum Mission
From Wikipedia, the free encyclopedia
Remove ads
D'Solar Maximum Mission (SMM), oder SolarMax genannt, war eng Satelittemissioun vun der NASA fir d'Observatioun vun eiser Sonn, besonnesch awer vu Sonneneruptiounen. De Sattelit gouf vun der Firma Fairchild gebaut an de 14. Februar 1980 um 15:57 Auer UTC mat enger Delta-Rakéit gestart. D'Solar-Maximum-Missioun war den 2. Dezember 1989 eriwwer, wéi de Satellit an d'Äerdatmosphär agetratt ass an do vergloust ass.
| Solar Max | |
|---|---|
 | |
| Typ | Fuerschungssatellit |
| Land |  USA |
| Agentur | NASA |
| COSPAR-Bezeechnung | 1980-014A |
| Apogeum | 512 km |
| Perigeum | 508 km |
| Bunnschréi | 28,5 ° |
| Mass | 2315 kg |
| Gréisst | 4 m laang |
| Bunn-Ëmlafzäit | 94,8 min |
| Start | 14. Februar 1980 |
| Startplaz | Cape Canaveral LC-17 |
| Drorakéit | Delta 3910 |
| Status | vergloust den 2. Dezember 1989 |
 | |
Remove ads
Instrumenter
De Satellit hat follgend Instrumenter u Bord:
- Moossinstrument fir d'Bestralungsstäerkt: (Active Cavity Radiometer Irradiance Monitor, ACRIM)
- Spektrometer fir Gammastralung (Gamma-Ray Spectrometer, GRS)
- Spektrometer fir haart Röntgenstralung (Hard X-Ray Burst Spectrometer, HXRBS)
- Polychromator fir mëll Röntgenstralung (Soft X-Ray Polychromator, XRP)
- Spektrometer fir haart Röntgenstralung (Hard X-ray Imaging Spectrometer, HXIS)
- Spektrometer a Polarimeter fir Ultraviolettstralung (Ultraviolet Ultraviolet Spectrometer and Polarimeter, UVSP)
- Koronograph
Remove ads
Reparatur am Weltraum
Am Januar 1981 waren dräi Sécherunge vun der Lagreegelung vum Satellit duerchgebrannt. Doduerch war et net méi méiglech, den SMM genee op d'Sonn auszeriichten. De 6. Abrëll 1984 hat d'Raumfähr Challenger de SolarMax wärend hirer Missioun STS-41-C ugeflunn. Dobäi gouf de Satellit an d'Notzlaaschtbucht vum Space Shuttle gehuewen, fir en ze reparéieren (eng.: On-Orbit Servicing). Doduerch gouf d'Liewenszäit vum SMM-Satellit ëm e puer Joer verlängert. D'Missioun gouf 1985 am IMAX-Film The Dream Is Alive porträtéiert.
De Solar Max war den éischte Satellit, deen am Weltraum agefaangen, reparéiert an nees ausgesat gouf.
left
Remove ads
Resultater
Opfällegerweis weist den ACRIM-Instrumentenset (Active Cavity Radiometer Irradiance Monitor) vum SMM, datt entgéint den Erwardungen, d'Sonn wärend dem Maximum vum Sonnefleckenzyklus (Zäitpunkt mat de meeschte Sonneflecken) méi hell ass. Dat kënnt dohier, well d'Sonneflecke vu sougenannte Faculae hell ëmrummt sinn, déi de Verdonklungseffet vun de Sonneflecken méi wéi ausgläichen.
Tëscht 1987 an 1989 goufe mam Koronograph zéng Sonnesträifer entdeckt.
Kuckt och
Um Spaweck
 |
Commons: Solar Maximum Mission – Biller, Videoen oder Audiodateien |
- (en) HEASARC, SMM
- (en) JPL, SMM
- (en) Marshall Space Flight Center, SMM
- (en) The Solar Maximum Mission
- (en) Repairing Solar Max
Wikiwand - on
Seamless Wikipedia browsing. On steroids.
Remove ads