Алтенбург
From Wikipedia, the free encyclopedia
Алтенбург (германски: Altenburg) — град во германската сојузна покраина Тирингија, 45 километри јужно од Лајпциг. Главен град е на округот Алтенбург.
| Алтенбург | |
 | |
 | |
  Алтенбург | |
| Управа | |
| Земја | Германија |
|---|---|
| Покраина | Тирингија |
| Округ | Алтенбург |
| Градски единици | 4 |
| Градоначалник | Михаел Волф (СДП) |
| Основни податоци | |
| Површина | 46 км2 |
| Надм. височина | 227 м |
| Население | 31.101 (31 декември 2020)[1] |
| - Густина | 676 жит/км2 |
| Други информации | |
| Часовен појас | CET/CEST (UTC+1/+2) |
| Рег. табл. | ABG |
| Пошт. бр. | 04600 |
| Повик. бр. | 03447 |
| Портал | www.altenburg.eu |
| Местоположба на градот Алтенбург во рамките на округот Алтенбург | |
 | |
| Координати | 50°59′6″N 12°26′0″E |
Алтенбург е опкружен со Виндишлојба, Нобиц, Зара, Алткирхен, Герен, Ледла, Розиц, Мојзелвиц и Герстенберг.
Градот (civitas Altenburg) бил првпат споменат во декрет до Цајчкиот архиепископ во 976. Остатоци на словенскиот замок на Шлосберг покажуваат дека градот најверојатно бил словенска населба, главен градот на племето Плисни, освоен во текот на походот на Мајсен од Хајнрих I. Според имињата на местата, соседната област (Остерланд) била главно населена од Словени.
Положбата на градот на царскиот пат помеѓу Хале и Чеб во Бохемија му ја донела економската важност во трговијата на сол.
Првиот замок, сместен под денешната црква Св. Вартоломеј, бил уништен по Битката кај Хоенмелзен помеѓу Хајнрих IV и Рудолф од Швабија. Бил повторно изграден на Шлосберг надвор од градот. Кулата од 11. век Mantelturm сè уште е зачувана. Подоцна, замокот станал царски пфалц и одиграл важна улога во германското преземање и населување на областа помеѓу планините Харц и реката Елба.
Во средината на 12. век, царевите од династијата Хоенштауфен му дозволиле на Алтенбург да добие пазар и ковачница. Заедно со кралските шуми Лајна, Пана, Камерфорст и Лукауер Форст, земји на семејството Гројцш купени од Фридрих Барбароса, Алтенбург, Колдиц, Цвикау и Кемниц биле влезен во Terra Plisnensis. Алтенбург и Кемниц како царски градови биле поставени за намалување на важноста на Лајпциг, држен од Грофовијата Мајсен. Под Фридрих Барбароса се изградиле многу градби, особено околу плоштадот и градот постојано растел. Бил основан манастир, а парохиската црква била завршена во 1172. Двете кули (Rote Spitzen) се зачувани. Градскиот ѕид бил изграден кон крајот на 12. век.
Во текот на Interregnum, „Terra Plisnensis“ била привремено купена од Рудолф I, кој ја посакувал круната на Тирингија. Заедно со Цвикау и Кемниц, Алтенбург бил дел од сојузот на градови Плајсе, кој бил против Мајсен. По Битката кај Лука во 1307 против Фридрих Храбриот од Мајсен и неговиот брат Дицман, кралот Алберт I ги изгубил Алтенбург и земјите околу Плајсе од Грофовијата Мајсен.
Во 1455, Алтенбург ја дочекал поделбата на земјите на Мајсен помеѓу изборниот кнез Фридрих II и војводата Вилхелм, која настанала по неуспешниот обид за помирување помеѓу двајцата браќа. Во втората поделба на земјите од династијата Ветин помеѓу Ернест и Алберт кај Лајпциг во 1485, Алтенбург припаднал на Ернест, заедно со електоратот (Kurland), Грима, Мученер Пфлеге, Лајсниг, Тирингија и Фогтланд. Оттогаш, Алтенбург бил историски поврзан со Тирингија. Во текот на Германската селанска војна во 1525, августинскиот манастир во Алтенбург бил нападнат. Во летото, четири селани биле заклани на плоштадот.
Од 1603 до 1672, Алтенбург бил седиште на линијата Ернестин, откако припаднал на Саксо-Гота-Алтенбург. Во текот на Наполеоновите војни бил место на краткиот сојузнички напад од саксонскиот генерал Јохан фон Тилман. Кога земјите на Ернестин биле поделени во 1826, Алтенбург станал главен град на Саксо-Алтенбург. Последниот војвода се повлекол на 13 ноември 1918 откако дал залог од 12 милиони марки и сопственост на бројни замоци. Слободната држава Саксо-Алтенбург била припоена кон Тирингија во 1920.
Во текот на Втората светска војна, во градот постоеле неколку подкампови на концентрацискиот камп Бухенвалд, кои биле користени за обезбедување работна сила за HASAG, третиот најголем барател на принудна работна сила во Германија.[2]
во 1952, Алтенбург припаднал на округот Лајпциг, но станал дел од Тирингија повторно во 1990.
| 1831 - 1939 | 1946 - 1996 | 1997 - 2004 |
|
|
- Извор (од 1994): Thüringer Landesamt für Statistik
- 29 октомври
- 31 август
Градското собрание на Алтенбург е една од најважните ренесансни градби во Германија. Била изградена помеѓу 1562 и 1564 од архитектот Николаус Громан. Schenkendorffsches Palais (1724) и Alte Amtshaus (1725) се прекрани барокни градби. Исто така постои и замок, чие западно крило (1706–1732) содржи изложба за историјата на картите и игрите со карти и историски музеј.
Музејот Линдеау во палатата Бернхард Август фон Линденау, бил изграден во 1875 и поседува италијански слики од периодот на 13-15 век, збирка на класични антиквитети и парчиња современа уметност.
Други интересни локации се ботаничката градина во Алтенбург.
Алтенбург е наречен град на картите за играње. Играта скат се мисли дека потекнува оттука, заснована на баварскиот тарок. Поради влијанието на царот Фридрих Барбароса во градот низ историјата, неговиот прекар е „град на Барбароса“.
Алтенбург е седиште на повеќе фабрики за производство на карти за играње. Altenburger Spielkartenfabrik била основана во 1831. Денес е подружбиа на Cartamundi и пазарен водач во Германија.
Во Алтенбург е седиштето на Gumpert Sportwagenmanufaktur. Супер-автомобилот Gumpert Apollo е произведуван од компанијата во градот од 2005.
Алтенбург е исто така познат по неговиот сенф, произведуван од Altenburger Senf и Feinkost.
Јавен превоз
Јавниот превоз во Алтенбург се одвива со автобуси преку шест линии, кои ги поврзуваат подалечните делови на градот со центарот.
Железница
Железничката станица Алтенбург е на линијата Лајпциг-Хоф.
Аеродром
Во близина на градот се наоѓаат два аеродрома. Аеродромот Лајпциг-Алтенбург, поранешен руски воен аеродром, се користи од нискобуџетните авиопревозници за комерцијални летови до Лондон Станстед, Барселона-Ѓирона и Единбург. Аеродромот Лајпциг/Хале е меѓународен аеродром и се наоѓа 50 километри северозападно од Алтенбург.
Алтенбург е збратимен со:
Офенбург, Германија
Олтен, Швајцарија
Жлин, Чешка
Хикори, САД
- Фридрих Арнолд Брокхаус
- Јоаким Бихнер
- Карл Адолф Дуаи
- Фридрих I
- Ханс Конон фон дер Габеленц
- Георг вон дер Габеленц
- Јохан Георг Август Галети
- Ралф Хабер
- Јохан Лудвиг Кребс
- Бернхард фон Линденау
- Уве Реслер
- Херман Шлегел
- Инго Шулце
- Георге Шпалатин
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
