From Wikipedia, the free encyclopedia
Хаплогрупата R е широко распространета човечка митохондриска ДНК (мтДНК) хаплогрупа. Хаплогрупата R е поврзана со населението на Евроазија пред околу 70.000 години и е распространета кај современите популации низ светот надвор од Потсахарска Африка.[5]
Хаплогрупа R | |
---|---|
Можно време на потекло | 66,8 ± 14,2 kya [1] |
Можно место на потекло | Јужна Азија[2][3] Југоисточна Азија[3] |
Предок | N |
Потомци | R0, R1, R1b, R2'JT, R3, R5, R6'7, R8, R9, R11'B, R12'21, R14, R22, R23, R30, R31, P, U |
Својствени мутации | 12705, 16223[4] |
Хаплогрупата R е потомок на макро- хаплогрупата N. Помеѓу хаплогрупите на потомците на R кладата се групите B, U (а со тоа и K), F, R0 (а со тоа и HV, H и V) и JT (предците хаплогрупа на J и T).
Соарес и неговите соработници (2009) ја проценуваат староста на хаплогрупата R на приближно 50.000 до 70.000 години.
Ова е во согласност со појавата во текот на крајбрежната миграција од Источна Африка кон Западна, Јужна и Југоисточна Азија. Се претпоставува дека раната лоза на хаплогрупите M, N и R е по должината на крајбрежниот пат во периодот од пред околу 70.000 до 60.000 години.[6] Северниот пат надвор од Африка е уште една прилика, каде што проширувањето на хаплогрупата R може да потекнува од Југоисточна Азија.[7]
Хаплогрупата R има широка разновидност кај домородното население на Јужна Азија. Племињата и кастите од Западна и Јужна Индија покажуваат поголема разновидност од другите региони, што веројатно укажува на нивниот автохтон статус. Ларуга и неговите соработници (2017) откриле дека мтДНК R се шири во Евроазија и Австралија преку должината на брегот на Југоисточна Азија.[5] Фосилот на човекот Уст'-Ишим од Сибир, датиран пред околу 45.000 години, припаѓа на хаплогрупата R* (порано класифицирана како U*).[8][9]
Хаплогрупата R и нејзините потомци се распространети низ цела Австралазија, Америка, Југоисточна Азија, Јужна Азија, Средна Азија, Западна Азија, Источна Азија, Европа, Северна Африка и Африканскиот Рог.
Базалниот R* клад се наоѓа меѓу Сокотрите (1,2%), како и во североисточна Африка (1,5%), Средниот Исток (0,8%), Блискиот Исток (0,8%) и Арапскиот Полуостров (0,3%).[10]
Хаплогрупата Р е забележана и помеѓу египетските мумии ископани на археолошкиот локалитет Абусир ел-Мелек во северен Египет, кои датираат од предптолемејскиот период или од доцното Ново Кралство, птолемејскиот и римскиот период.[11]
Подкладата R2 била забележана во остатоците од неолитскиот човек од западен Иран во Тепе Абдул Хосеин.[12]
Ова филогенетско дрво на подкладите на хаплогрупата R се заснова на трудот на Манис ван Овен и Манфред Кајзер Ажурирано сеопфатно филогенетско стебло на глобалната варијација на човечката митохондријална ДНК и последователните објавени истражувања.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.